«Жасөспірім және қоғам» тақырыбы бүгінгі таңда маңызды тақырыпқа айналды, себебі өкінішке орай кейбір жасөспірімдер құқықбұзушылықтың арты неге әкеліп соғатынына аса мән бере қоймайды. Құқықтық мемлекетке қадам басқан шақта қоғамға саналы адам қалыптастыру мемлекетіміздің басты міндеттерінің бірі болатын болса, ол міндетті іске асыруға басты мақсат жасөспірімді жаңа рухта, жаңа көзқараста тәрбиелеуден айқын көрінеді.
1 қыркүйек күні салтанатты шарадан кейін 1а РДО тобында «Сознательное поколение – залог светлого будущего» тақырыбында тәрбие сағаты ұйымдастырылды. Тәрбие сағатының қонағы колледждің ардагер ұстазы Белоконь Лидия Ивановна болды. Тәрбие сағаты барысында студенттер топтық жұмыс арқылы болашақ тәрбиешінің моделін постер арқылы қорғады, логикалық тапсырмалар орындады, «Ассоциация» ойынын ойнады, келген қонақпен пікір алмасты, рефлексия бөлімінде өз ойларымен бөлісті.
09.08.2019 күні Ж.Досмұхамедов атындағы жоғары педагогикалық колледжінде 9-11 сыныптарға ақылы негізде талапкерлердің 1 легіне кешенді емтихан жүргізілді. Талапкерлерге әр мамандық бойынша емтихан қабылдаушылар емтиханның өту барысы туралы түсіндіріп болған соң, сынақ кітапшалары мен парақшалары үлестіріліп берілді. Кешенді емтихан барлық талаптарға сай өткізіліп, қадағаланды. Емтиханның қорытынды нәтижелерін www.pedcollege.kz сайтынан немесе фейсбук желісінен көруге болады.
08.08.2019 күні Ж.Досмұхамедов атындағы жоғары педагогикалық колледжінде мемлекеттік тапсырыс негізінде 9-11 сыныптардың 1 легіне кешенді емтихан жүргізілуде. Талапкерлерге әр мамандық бойынша емтихан қабылдаушылар емтиханның өту барысы туралы түсіндіріп болған соң, сынақ кітапшасы мен парақшалары үлестіріліп берілді. 9 сынып талапкерлеріне 2 пән бойынша 90 минут (1 сағат 30 минут), 11 сынып бойынша 3 пән бойынша 130 минут (2 сағат 15 минут) уақыт беріледі.
Білім басқармасының 1-30 маусым аралығында Халықаралық нашақорлыққа қарсы күрес күніне арналған айлық аясында 13.06.2019 күні Ж.Досмұхамедов атындағы жоғары педагогикалық колледжінде әлеуметтік педагог А.Мухсинова 1 курс студенттеріне денсаулық сақтайтын жауапты мінез-құлық дағдыларын қалыптастыру, психикаға белсенді әсер етеін заттарды (ПБӘЗ) тұтынудың алдын алу бойынша түрлі жастағы халықтың ақпарат алу деңгейін арттыру мақсатында «Жақсы әдеттер» марафоны бойынша тренинг ұйымдастырып өткізді.
06.06.2019 күні Ж.Досмұхамедов атындағы жоғары педагогикалық колледжінде әлеуметтік педагог А.Мухсинова емтихан тапсырушы студенттерге сынақ алдындағы бойындағы стресстік қалыптан арылу, сенімді мінез-құлық дамыту, психологиялық қысымнан арылу мақсатында «Емтиханға даярлық кезінде стресстен қалай құтылуға болады?» атты тренинг ұйымдастырып өткізді. Тренинг барысында студенттер «Кедергілерді жеңу», «Аутотренинг формуласы», «Биопоэма стратегиясы», «Поезд жаттығуы» т.б жаттығуларды жасай отырып, өздерінің алған әсерлерімен бөлісті.
06.06.2019 күні Ж.Досмұхамедов атындағы жоғары педагогикалық колледжінің 1апКИНФ-11 тобының топ жетекшісі С.Мусагалиева, әлеуметтік педагог А.Мухсинова және 1апКИНФ-11 тобының студенттері, студенттер үйінің студенттері Орал қалалық ішкі саясат бөлімінің «Діни ахуалды тұрақтандыруға бағытталған мемлекеттік саясатты жүзеге асыру шараларын өткізу» жобасы аясында ұйымдастырылған жасөспірімдердің жат ағымдарға иммунитетін қалыптастыру және қазіргі таңдағы өзекті мәселелер – терроризм мен діни экстремизмді алдын-алу мақсатында Ю.А.Гагарин атындағы балалар мен жасөспірімдер кинотеатрында «Сергелдең» кинофильмін тамашалады.
06.06.2019 күні Ж.Досмұхамедов атындағы жоғары педагогикалық колледжінің «Ынтымақ» волонтерлар клубының белсенділері Орал қаласы әкімдігінің бастамасымен жұмыссыздық мәселесі бойынша қала тұрғындарына ақпараттық-түсіндірме жұмыстар жүргізілуіне белсене атсалысты. Студенттер мамандармен бірге «Мирлан» орталық базарының алдында қала тұрғындарына кітапшалар таратып, ақпарат берді.
5-маусым күні Ж.Досмұхамедов атындағы жоғары педагогикалық колледжінің әлеуметтік педагогы А.Мухсинова және колледждің белсенді жастары БҚО жастар саясаты мәселелері басқармасының қолдауымен Қалалық мәдениет және демалыс саябағында, БҚО «Жасыл ел» еңбек жасақтарының ХV еңбек маусымының ашылу салтанатына қатысты. Шара барысында студенттер «Жасыл Ел» еңбек жасағының белсенді қатысушы студенттері марапатталып, арнайы сертификаттар табыс етілді.
ОҚУ АҚЫСЫН ТӨЛЕУ
Батыс Қазақстан облысы әкімдігі білім басқармасының «Ж.Досмұхамедов атындағы жоғары педагогикалық колледжі» мемлекеттік коммуналдық қазыналық кәсіпорны
Батыс Қазақстан облысы, Орал қаласы, Нұрсұлтан Назарбаев көшесі, 173
