24 қыркүйек күні сағат 18:00 де Х. Бөкеева атындағы Қазақ драма театрында «Достыққа шекара жок: Жастар. Диалог. Мәдениет» халықаралық шекара маңы ынтымақтастығы форумы аясында «Бірлік -Дружба» фестиваліне Ж.Досмұхамедов колледжінің белсенді студенттері қатысып келді.
19.09.2019 жылы Ж.Досмұхамедов атындағы жоғары педагогикалық колледж директоры С.М.Бахишеваның басшылығымен директордың ОӨЖ жөніндегі орынбасары М.С.Мұқашев пен педагогика және психология кафедрасы оқытушылары «Педагогикалық кластар-мамандыққа бастар жол» тақырыбында өзекті жобасының басталу семинарын өткізді. Семинарға облыстық білім басқармасы жанындағы әдістемелік кабинеттің директоры А.О.Хамзина қатысып, облыстық білім басқармасының басшылығымен мектептерде арнайы эксперимент алаңдары белгіленіп, педагогикалық кластар ашылуы заман талабынан туындағанын айтты.
2019 жылдың 13 қыркүйегі күні колледж оқытушыларына BilimMediaGroup компаниясының қоғаммен байланыс жөніндегі PR-маманы Ақжан Тамай Алпысбайұлы, маркетологы Айдар Утаргалиев вебинар өткізді. Олар компанияның мақсат-міндеттеріне, миссиясына, атқарып жатырған жұмыстарына тоқталды. Сонымен қатар kitap.kz, bilimland.kz, itest.kz, imektep.kz, twig-bilim.kz ресурстарымен таныстырды.
16 қыркүйек күні Ж.Досмұхамедов атындағы жоғары педагогикалық колледжінде дене тәрбие және спорт кафедрасының «Салауатты жастар-қуатты ұлттың негізі» атты 10 күндік денсаулық апталығының ашылу салтанатты өтті. Ашылу салтанатын «Руханият» еріктілер тобы флешмобпен ашып, колледж директоры С.М.Бахишева және кафедраның ардагер ұстазы Б.К.Набидоллин құттықтау сөз сөйледі. Кафедра меңгерушісі А.Г.Шапанов 10 күндік апталықтың жоспарымен таныстырып, «Кермеге тартылу» «Шалқадан жатып денені көтеру», «Мылтық ату», «Қол күресі», « Асық ату» спорт түрлері бойынша ерлер мен қыздар арасында жарыс жалғасты.
10-16 қыркүйек арасында «Тіл достықтың айнасы» атты техникалық және кәсіптік, орта білімнен кейінгі білім беру ұйымдарының этнос жастары арасында Абай өлеңдерін жатқа оқу эстафетасына «Қазақ тілі мен әдебиеті мұғалімі» біліктілігінің 2 курс студенті Исаева А.К., «Музыкалық білім беру» мамандығының 2 курс студенті Алиева Залина Арбиевна қатысты. Мақсаты: Қазақ тілінің көркемдік ерекшелігін, бай сөздік қорын насихаттау, жастар арасында Абай шығармашылығын насихаттау арқылы қазақ тілі мен әдебиетіне, мәдениетіне деген этнос өкілдерінің қызығушылығын арттыру әрі еліміздің рухани бірлігін арттыру.
Батыс Қазақстан облысы Қазақстан халқы Ассамблеясының ұйымдастыруымен 13 қыркүйек күні Тұңғыш Президент алаңында «Рухани жаңғырту» жобасы аясында «Дәстүр» мәдени - көпшілік шарасы өтті. Шараның мақсаты- қазақтың салт-дәстүрін насихаттау. Ж.Досмұхамедов атындағы жоғары педагогикалық колледж оқытушылары мен студенттері «Бесікке салу» дәсүрінен көрініс көрсетті. Көріністі басқа ұлт өкілдері тамашалап, алғыс хатпен мараппаттады.
Ерікті волонтер болу дегеніміз риясыз мейірімділік көрсету, жаңа дағдыларға үйреніп, адамдарға жақсылық жасау, мүмкіндігі шектеулі жандардың қызықты да əсерлі істер мен оқиғалардың ортасында болуы үшін көмектесу, тағдырдың тезімен қиын жағдайға тап болған адамның жанынан табылу, қолынан келгенше сүйеу бола білу деген сөз. Ол екінің бірінің қолынан келмейтін іс. Ерікті волонтерлер болу үшін адамдарға ниет білдіру, жаны ашып, есіркей білу, командада жұмыс жасай білу ғана емес, адалдық, парасаттылық сияқты адамгершілік қасиеттер керек.
11 қыркүйек күні Ж.Молдагалиев атындағы БҚО әмбебап ғылыми кітапхана, Орал қалалық орталықтандырылған кітапхана, Сырым аудандық орталықтандырылған кітапханасының ұйымдастыруымен «Болашаққа бағдар: Рухани жаңғырту» бағдарламасы аясында «Бір көше-бір тарих» кітапханалық жобасы бойынша қолбасшы батыр, би, шешен Сырым Датұлының өмірі мен ерлігін, шешенділігін мен даналығын насихаттау мақсатында «Орал көненің көзіндей - тарихтың өзіндей» библиокеруенге колледж студенттері қатысты.
11 қыркүйек күні Ж.Досмұхамедов атындағы жоғары педагогикалық колледждің 1 курс студенттерінің арасында «Өз жеріңді танып, біл» атты акция жорық түрінде ұйымдастырылды. Жорықтың мақсаты- салауатты өмір салтын насихаттау, туристік-өлкетану қызметі құралдары арқылы мектеп оқушыларының білім сапасын көтеру, туған өлкесін іс жүзінде танып-білуге үйрету. Жорық маршруты бойынша студенттер 3 топқа бөлініп, жорық ұйымдастырушымен бірге жолға шықты.
ОҚУ АҚЫСЫН ТӨЛЕУ
Батыс Қазақстан облысы әкімдігі білім басқармасының «Ж.Досмұхамедов атындағы жоғары педагогикалық колледжі» мемлекеттік коммуналдық қазыналық кәсіпорны
Батыс Қазақстан облысы, Орал қаласы, Нұрсұлтан Назарбаев көшесі, 173
