Бүгінгі мұғалімдер күні мерекесінде колледжімізде ұстаздар қауымын ұлықтап, кәсіби мерекемен құттықтауға арналған ауқымды шаралар ұйымдастырылды. Атап айтсақ, мұғалімдерге колледжіге кіргеннен-ақ мерекені сезіндіретіндей оқу ғимараттына ұстаз туралы Ұлы тұлғалардан ғибратты сөздері жазылған банерлер ілініп, дәліздер түрлі құрал-жабдықтармен безендірілді.

Осы күні барлық оқытушылар құрамы сабақтарынан босатылып, олардың орнына оқуда озат студенттер сабақ беріп, ұстаздар ұжымына бір күнге мерекелік демалыс сыйлады. Барлық топтарда мұғалімдер күніне орай мерекелік шаралар ұйымдастырылып, әрбір кафедра шараға ардагер ұстаздарды шақырып, оларға құрмет көрсетіп, студенттерге таныстырды.

Оқу орнының оқуда озат, қоғамдық жұмыстарда белсенді студенттерінің басын құраған Студенттік Парламент ұйымы ұйымдастырған «Ұстаздарды ұлықтау парызымыз!» атты концерттік шара да көпшіліктің көңілінен шығып, жиналғандарға көтеріңкі көңіл-күй бір сыйлады.

Ұстаздар күнінің басты шарасы - тәрбие бөлімі ұйымдастырған «Ұстаз деген ұлылардың ұлысы, қасиетіне бас иелік мәңгілік!» атты мерекелік тамаша кеш болды. Шараға колледжіде ұзақ жылдар бойына басшылық қызмет атқарған Шалқыма Хайроллақызы бастаған ардагер ұстаздар қауымы тегістей шақырылып, құрмет-қошеметке бөленді.  Ұстаздар ұжымына арнап арнайы ұйымдастырылған концерттік шарада колледж студенттерінен құрылған «Атамұра» ансамблі «Балбырауын», «Ерке сылқым» күйлерін орындаса, «Дарын» клубы мүшелері «Бәрінен де білім артық» атты қойылым көрсетті. «Музыка» кафедрасының оқытушылары, өңіріміздің мақтаныштары Ақмарал Ахметова, Айбек Тұрарбеков әннен шашу шашып, шараны әсерге бөледі. Одан бөлек өнерпаз студенттер өздерінің арнау өлеңдерін оқып, би билеп, ән айтып кештің әсерін байытты.