"Оқуға құштар колледж" жобасы аясында 4сҚМҚ-9 тобы студенттері арасында "Кітап алмасу" челленджі көптен жүріп жатыр. Топ студенттері бір-бірімен әдеби кітаптар алмасып, оқып, біріге талдап,  өзара пікірлерімен бөліседі. Осы уақытқа дейін студенттер түрлі кітаптарды талдап үлгерді. Оның ішінде жыр жинақтары да бар.

Әлімжан Әлішердің "Мені құшақта", Жадыра Байбұланованың "Шексіздік"  Файзулла Төлтайдың "Қос есікті түстер", Тұрсынбек Башардың "Интертекст" жыр жинақтарын алмастырып оқып үлгерген. Қазіргі заман әдебиетінен Әлішер Рахаттың "Параллель", "Махаббатым-constant" кітаптарын, Берікбол Батанның "Өліктердің уысында ериді", Тұрсынжан Шапайдың "Күлкі мен көз жасы",  Отбасы хрестоматиясының "Мың сұрақ", т.б кітаптары оқылды. Студенттер оқыған кітаптардың басым бөлігі қазақ әдебиетіне енді еніп келе жатқан жаңаша бағыттарда жазылған.  Қазір студенттер Әзілхан Нұршайықовтың "Махаббат, қызық мол жылдар",  Шерхан Мұртазаның "Ай мен Айша",  Мұхтар Мағауиннің "Бір атаның балалары", Наполеон Хиллдің "Ойлан және байы" кітаптарын оқу үстінде.