Жаратылыстану және қоғамдық пәндер кафедрасының "Бабалар ерлігі - рухани ойдың жаңғыруы мен сананың кемелденуі" атты апталығының ашылуы «Қазақтың батыр арулары» - Алия, Мәншук, Хиуаз мүсіндік композициялары алдында салтанатты шарамен басталып, гүл шоқтары қойылды. Шара барысында бабалар ерліктері дәріптеліп, студенттер өлең жолдарын арнады.

Кафедра оқытушылары мен «Ынтымақ» еріктілер тобының студенттері облыстық «Ұрпақтар тағзымы» акциясы аясында Халық Қаhарманы Хиуаз Доспанова атындағы көшеде сенбілік шарасын ұйымдастырды. Шара барысында шығыстың «қанатты қызының» өмірінен сыр шертіліп, батыр апамызға арналған өлеңдер оқылды.