Музыка кафедрасының он күндігі жоспарына сай, 7 сәуір күні "Музыкалық қонақжай" айдарының кезекті қонағы әнші, Қазақ өнерінің қайраткері, мәдениет майталманы Есет Садуақасовпен @eset_saduakasov zoom қосымшасы арқылы онлайн кездесу өтті.

Мақсаты : Білім алушыларды әнші Есет Садуақасовтың өнері, шығармашылығымен таныстыру;

-Ел арасында кең тараған танымал әндері туралы сыр шерте отырып, жастарды қазіргі эстрасындағы түрлі бағыттағы әндер арасынан сапалы, мағыналы әндерді ажырата білуге тәрбиелеу.

Онлайн кездесу барысында "Әкешім-Анашым", "Достарыма", "Гүл сыйлайық әйелге", "Беу,балалық" т.б. көптеген әндердің орындаушысы Есет Садуақасовтың балалық шағы, өнерге қызығушылығы, хит әндері, өнер жолындағы ұстаздары туралы сөз қозғалып, әнші жас тыңдармандарға өз тарапынан ән жаттаудағы өзі қолданатын оңай тәсілі мен сахна алдындағы қобалжу сезімін қалай басуға болатындығы жөніндегі өз тәжірибесімен бөлісіп, студенттер мен әріптестердің көптеген сұрақтарына жауап беріп, өнерге таласы бар жастарға жетістікке тек еңбектің арқасында ғана жетуге болатындығын айтып, өзінің тілегін білдірді.

#@eset_saduakasov

@pedcollege_official