Бүгін, Ж.Досмұхамедов атындағы жоғары педагогикалық колледжінің жанынан құрылған "Руханият" еріктілер тобы "Арба" тірек қимылы аппараттары бұзылған мүмкіндігі шектеулі жандар қоғамының мүшелері мен қосылып мерекені қарсылады.

Шара барысында санитарлық талаптар ескеріліп, көңілді ән, би орындалды, қашанда қайырымдылық істердің ортасында жүретін музыка кафедрасының 3асКШМ тобының студенттері көрермендердің ықыласына бөленді. Жаңадан қатарымызға қосылған еріктілеріміз бес асық, асық ату ойындарымен мереке көркін келтірді, ұлттық ойынымызға қызығушылық танытқан қоғам мүшелерімен алдағы уақытта асық ойыны жүйелі өткізуге уағдаласты.