Ұлыстың ұлы күні  Наурыз мерекесі қарсаңында 15 наурыз күні Ж.Досмұхамедов атындағы жоғары педагогикалық колледжінің музыка кафедрасы оқытушылары мен студенттері "Жайлау күні" тақырыбында мерекелік шара өткізді.

Аталған шара  жайлау көрінісі, Жер ананың жамандық атаулыдан, пәле жаладан аластауы және Атасы мен немересінің табиғатты аялап, тал егіп, игі іс жасауы секілді көріністермен басталып, концерттік бағдарламаға ұласты. Ата мұра фольклорлық ансамблінің орындауымен кафедра оқытушылары М.Амирханов,  М.Хайдаровалар ән шырқап, Абайдың 175жылдығына арнап  « Торжорға» күйі, қазақтың «Қаражорға» биі, Наурыз туралы өлеңдер мен ән -күйлер тарту етілді.