2021 жылдың 26 ақпан күні Ж.Досмұхамедов атындағы жоғары педагогикалық колледждің топ жетекшілері М.Т.Габбасова мен Н.Г.Аюпова колледж студенттеріне арнап Нұр-Сұлтан қаласының Музыкалық жас көрермен театрының ақпарат және қоғаммен байланыс бөлімінің басшысы Әділғазы Бақытұлы Кереевпен және театр актерлары Ернар Мұхамбет @ernar_mukhambet, Аман Гумаровпен «Асқақ арман жетегінде» атты онлайн кездесу кешін ұйымдастырды.
Кездесудің мақсаты:
- колледж студенттерін Музыкалық жас көреремен театр өнерімен таныстыру арқылы мәдениеттілікке, өнерді сүйіп, бағалауға тәрбиелеу;
- өнер мен ғылымды қатар алып келе жатқан жас таланттарды колледж студенттеріне үлгі ету;
- өңірімізден шыққан дарынды танымал актерлардың шығармашылықтарымен, еңбек жолдарымен білім алушыларды таныстыру.
Кездесу Музыкалық жас көрермен театры, актерлар туралы шағын бейне жазбамен бастау алып, кеш қонақтарымен қызықты сұхбатқа ұласты. Кеш барысында мәдениеттану магистрі Әділғазы Кереев Музыкалық жас көреремен театрының жұмысы, театр қойылымдары, жалпы елімізідегі театр мәдениеті туралы айтып өтті. Т.Жүргенов атындағы өнер академиясының оқытушысы, «Режиссура» мамандығының магистрі, кино және театр актеры, режиссер Аман Гумаров өз өнерімен бөлісіп, Ернар Мұқамбет жерлес ақын М.Балмолданың сөзіне жазылған «Анамның жаққан ошағы» әнін қазақтың қасиетті қара домбырасымен шырқап, тыңдаушылардың ықыласына бөленді. Театр актерлары қойылымдарда сомдаған рольдерімен бөлісіп, студенттер мен оқытушылардың сұрақтарына жауаптарын беріп, қызықты сұхбат жүргізді. Кеш соңында Ернар Мұхамбет М.Мақатаевтың «Қазақстан» поэмасынан үзінді арнап, колледж директоры С.М.Бахишеваға, оқытушылар мен студенттерге кездесу кеші үшін алғыс айтты. Колледж директорының тәрбие жұмысы жөніндегі орынбасары Р.М.Галымова кеш қонақтарына алғыс хаттарды табыс етіп, «Асқақ арман жетегінде» атты онлайн кездесу кешін қорытындылады.
