Осы жылдың 07 ақпан күні колледжіміздің Музыка кафедрасында түлектермен кездесу кеші өтті. Кездесуге Музыкалық білім мамандығында білім алып, аталған мамандық бойынша қалалық, аудандандық мектептептерде музыка пәні мұғалімі болып жұмыс жасап жатқан түлектер қатысты.
Түлектер білім мен тәрбие берген оқытушыларға, колледжге деген сағыныштары мен қимас сезімдерін білдіріп, алғыстарын жеткізді. Сондай-ақ, қазіргі осы мамандықта оқып жатқан студенттерге берілген мүмкіндік пен уақыттың тиімді пайдалануын, музыка мамандығында музыкалық аспаптың жетік меңгерілу қажеттілігін түсіндіріп, ақыл-кеңестерімен бөлісті. Кеште көрермен студенттер түлектерге сұрақтар қойып, жауаптарын тыңдады. Түлектер мен студенттер арасында ойын ойнатылып, кеш қызықты аяқталды. Директордың тәрбие ісі жөніндегі орынбасары Р.М.Галымова, Музыка кафедрасының меңгерушісі А.А.Батырханова түлектермен кездесу кешіне келген қонақтарға, қатысушы студенттерге алғыстарын білдіріп, кештің маңыздылығын атап өтті.
