15 қараша күні 1-2 курс студенттерімен «Мектепке дейінгі тәрбие және оқыту» кафедрасының оқытушылары А.Б.Сарсенгалиева және А.В.Джакисова «Тимбилдинг – ұйымшыл және тату ұйым» атты шара ұйымдастырып, өткізді. Шара барысында студенттердің ұйымшылдық, команда болып жұмыс жасау қабілеттерін дамытуға арналған ойындар мен жаттығулар өткізілді.

Ойындардың арасында «Қырықаяқ», «Пантомимо», «Тарихи құмыра» және тағы басқа болды. Шара өте көңілді өтті, студенттер рефлексия бөлімінде «Бүгін мен білдім…», «Өте қызықты болды…», «Мен үшін қиын болды…», «Мен тапсырмаларды орындадым…», «Мен түсіндім, мен  ………. істей аламын», «Мен бүгін сезіндім…», «Мен үйрендім…», «Менің қолымнан келді…», «Мені таңқалдырды…» сөйлемдерді жалғастыру арқылы бөлісті.