«Болашаққа бағдар: рухани жаңғыру» бағдарламасы аясында Батыс Қазақстан облыстық тарихи-өлкетану музейінің ұйымдастыруымен «МузейСтар-2019» жобасы жүзеге асуда. Жобаның мақсаты- өңіріміздегі жастарға білім беретін оқу орындарын көпшілік назарына ұсыну арқылы Ақ жайықтың таңдаулы жоғары және орта оқу орындарын халыққа таныстыру.

Осы мақсатты жүзеге асыруда колледжіміздің 100 жылдан астам тарихына қатысты деректер, фотоматериалдар, мұрағаттық құжаттар, жәдігерлер, колледжде ұстаздарымен оқытушылардың шығармашылық жұмыстары  қойылып, музейдің көрме залы жабдықталды. 18 қазан күні Орал қаласының тұрғындары мен қала қонақтары, тарихи жылдарда қызмет еткен ардагер ұстаздар: Л.И.Белаконь, Н.Н.Цымбал, Л.М.Кажгереева, Ж.М.Батикова, Б.М.Дускалиева, өлкетанушылар Жайсан Ақбай, Сайлау Хамитұлы және 1967-1973 жылдарда колледж директоры Уразов Нигмет Уразұлының қызы Райхан Нигметовналардың қатысуымен көрменің ашылу салтанаты өтті. Көрмені салтанатты түрде ашу 1974-1975 жылдары колледж директоры болған Л.И.Белаконьға және өлкетанушы Жайсан Ақбай ағамызға берілді. Көрмені тамашалауға келген қонақтарымыз алғыстарын білдіріп, колледж директоры С.М.Бахишеваға ризашылықтарын айтты. Көрме залы 18 қазан айынан 18 қараша айына дейін жұмыс жасайды және де көрме залында колледж оқытушылары мен студенттері ай бойы шаралар ұйымдастырады.