Бүгін колледж наркобекеті ұйымының жұмыс жоспарына сәйкес және Ж.Молдағалиев атындағы облыстық кітапхана қызметкерлерімен біріге отырып «Нашақорлық - ғасыр дерті» атты акция болып өтті. Акцияның мақсаты колледж студенттері арасында салауатты өмір салтын насихаттау, зиянды заттардан аулақ болуға және нашақорлықтың алдын алу.

Акция барысында колледж медбикесі А.С Джумагалиева есірткі заттарының түрлерін, есірткі қабылдаған адамның бойында болатын өзгерістерді және зиянды заттардан аулақ болып, өзін де, өзгені де зиянды әдеттердің қасіретінен қорғай білуге салауатты өмір сүре білуге ат салысуға, жаман әдеттердің зиянын білімділікпен түсініп, өз беттерінше қортындылай білуге, олардан сақтану жолдарын дұрыс таңдап, салауатты өмір құрудың маңызын түсіне білуге үндесе директордың ӘІЖ орынбасары Қ.Х Мажитов бүгінгі таңда жасөспірімдер арасында белең алып отырған дәріханалық нашақорлық жөнінде және дәріханалық есірткілердің түрлері мен адам ағзасына зияндығы жөнінде айтып өтті. Акция соңында студенттер Ж.Молдағалиев атындағы облыстық кітапхана қызметкерлері дайындаған кітап көрмесін тамашалады.