Биыл Жошы ұлысының құрылғанына 800 жыл толып отыр. Осыған орай Ж.Досмұхамедов атындағы жоғары педагогикалық колледжінде «Тарихы терең Жошы ұлысына -800 жыл» атты шара өтті. Шараға 3апКШИ, 4асКШО, 4аКШИ, 3аКШО -11 топ студенттері, жаратылыстану және коғамдық пәндер оқытушылары қатысты.

Шара барысында қоғамдық пәндер оқытушысы М.К. Дүйсенгалиев презентация, бейнежазбалар арқылы Жошы ұлысының тарихын баяндап берді. Баяндамада Ұлыс Жошы мемлекетінің құрылу кезеңдері туралы айтылып, мемлекеттік және саяси құрылымына сипаттама берілді. 4апКШИ студенттері Булатова Жауказын, Махметова Алтын Орданың сыртқы саясатының негізгі бағыттарына тоқталып өтті.

Колледж студенттері шараның соңында берілген ақпараттарға қатысты өз ойларын айтып, қызықтырған мәліметтер бойынша пікір алмасты. Қоғамдық пәндер кафедрасының меңгерушісі С.К.Бисенова шараны қорытындылап, қатысушыларға ризашылығын білдірді.

Жошы ұлысы Қазақстанның мемлекеттілік дәстүрінде айрықша орын алады. Еліміздің өткені, бүгіні мен болашағы оның тарихи мұрасымен тығыз астасып жатырғанын ұмытпаумыз керек.