12 сәуір – Ғылым академиясының тұңғыш Президенті, көрнекті ғалым Қ.И.Сәтбаевтың туған күні мен ғылым қызметкерлерінің күніне орай Ж.Досмұхамедов атындағы жоғары педагогикалық колледжінде қазақ тілі мен әдебиеті кафедрасының оқытушыларының ұйымдастыруымен «Сөз маржанын терген ғалым» тақырыбында академик Қ.Жұмалиев, профессор М.Тілеужанов сынды ғалымдар дүниеге келген киелі Қаратөбе өңірінде туып-өсіп, сол ғалымдардың ізін жалғап, қазақ тілінің лексика саласына қатысты көптеген зерттеу еңбектер жазған доцент, филология ғылымдарының докторы, М.Өтемісов атындағы БҚМУ профессоры Хасанов Ғабит Қайыржанұлымен онлайн сұхбат өтті.
Сұхбат кезінде ғалым туып-өскен, білім алған ортасы, зерттеу еңбектері, ғылыми жетекшілері туралы тағлымды әңгімелер айтты. Әсіресе, қазақ қыздарының ғылым жолына бет бұрғанын қалайтынына тоқталып өтті. Сүйікті ісі – аңшылық пен балық аулау екеніне де тоқтала отырып, осы сала бойынша да бірнеше еңбектердің авторы екеніне де осы сұхбат барысында білдік.
