2024 жылдың 1 сәуір күні Ж.Досмухамедов атындағы жоғары педагогикалық колледжінде Музыка кафедрасының онкүндігі аясында Есқайров Қанат Амангелдиевичтің ұйымдастыруымен «Музыкалық қонақжайда» атты дәстүрлі өнер кешіне Ақжайық ауданы Чапаев ауылынан БҚО “Жігіт сұлтаны” бас жүлдегері, “Бейбітшілік әлемі” халықаралық қазақ творчестволық бірлестігі алтын медалі иегері, БҚО-ның «Үздік мәдениет қызметкері» төсбелгісінің иегері, “Күйшілер одағы" Республикалық қоғамдық бірлестігі мүшесі, Республикалық байқаулардың жеңімпазы күйші, дүлдүл домбырашы, Ақжайық аудандық "халықтық" ұлт аспаптар оркестрінің дирижері, Ақжайық ауданы БББ «Балалар музыка мектебінің» оқытушысы Сапаров Халел Айтқалиұлымен шығармашылық кездесу өтті.

Халел Айтқалиұлы кездесу барысында дәстүрлі күй мектептеріне тоқталып, әр күй мектебінің орындалу ерекшеліктеріне тоқталды. Студенттер қойған сұрақтарға жауап беріп, дәулескер күйшілердің күйлерін төгілтіп орындады.