Жер бетіндегі тіршілік атаулы жаңаратын бұл кезеңді біздің халқымыз «Амал мерекесі» деп те атайды. Жыл сайын 14-наурызда «Амал келді - Жыл келді!» деп бір-бірін құттықтап, бір дастарханда дәм татып, ескі жылдан жаңа жылға аман-есен жеткеніне қуанған.

Бүгін Ж.Досмұхамедов атындағы жоғары педагогикалық колледжінде Наурызнама тұжырымдамасына сай, Көрісу күні мерекеленді. Колледж оқытушылары мен студенттері бір-бірімен көрісіп, ән-жырдан шашу шашылып, қойылымдар қойылып, мерекелік көңіл-күй қалыптасты.