Студенттер үйінде тәрбиешілердің ұйымдастыруымен «Ризамын сізге» атты мерекелік шара ұйымдастырылып, өткізілді.

Жыл сайын барлық этностардың бір-біріне мейірбандық танытып, өз туғанындай қабылдаған қазақтарға алғыс айту күні ретінде аталып өтілетін бұл мереке - үлкен-кішілердің баршасын жақындастыра түсетін ерекше мереке. Бізде осындай мейірімділік мерекеде алғыс айтуды дәстүрге айналдырып, жастарға өнегелі істі жалғастыруды бойларына сіңіру басты мақсат ете отырып, мерекенің маңыздылығын түсіндіре білдік.

Студенттер өз ризашылықтары мен алғыстарын студенттер үйіндегі қызметкерлерден бастауды жөн көрді. Күнбе-күн, бір күні екінші күнмен ерекшеленбейтін, тынымсыз еңбек етіп жүрген кіші қызметкерлерге ықылас білдіріп, алғыс айтуды парыз деп санадық. Таңертеңнен тосын сыйға толы ыстық ықыласқа бөленген қызметкерлер де, қуаныштарын ерекше сезіммен бере білді. Көктемнің алғашқы мерекесі тамаша басталды.