16.02.2024ж. Ж. Досмұхамедов атындағы жоғары педагогикалық колледжінің студенттерімен «Алматыкiтап баспасының» PR бөлімінің басшысы Гулмарал Қабдолашева еркін форматта кездесу ұйымдастырып, баспа қызметі, электрондық оқулықтар, платформаның бүгінгі таңдағы мүмкіндіктері туралы тереңірек таныстырып өтті.

«LEADER TopIQ» байқауының өту барысынан ақпараттар беріп, байқау шарттары, ережелері, кезеңдері туралы тоқталды. Осы уақытқа дейінгі байқау жеңімпаздары туралы бейнероликті көрсетіп, колледж білім алушыларына серпіліс жасады.
Колледж директорының ОӘЖ жөніндегі орынбасары Есенова Ляззат Сайкомовна оқытушылар мен білім алушылардың байқауда бақ сынып, жақсы нәтиже көрсетуге дайын екендіктеріне сенім білдіруге болатынын тиек етті.
БҚО Білім басқармасы Білім беруді дамыту орталығының әдіскері Берниязова Айнагул Кайрмухановна Батыс Қазақстан облысы бойынша «LEADER TopIQ» байқауының өту барысын қамтамасыз ететінін, біздің жеткен жетістіктерімізге тоқталып, колледждің алдыңғы қатарда табылатынын айтты, өзінің сенімін білдірді.
TopІQ.kz платформасында электрондық оқулықтарды ең үздік қолдану бойынша өткізілетін «Leader TopІQ - 2024» республикалық байқауына қатысуға қызығушылық білдірушілерді хабарласуға шақырамыз.