30 қараша күні Ж.Досмұхамедов атындағы жоғары педагогикалық колледжі 4асКШО-9 тобы студенттерінің байқау практикасы қорытынды конференциясы ұйымдастырылды.

Конференцияға директордың оқу-өндірістік ісі жөніндегі орынбасары М.С.Мұқашев, әдіскерлер Б.К.Сапиев, А.Т.Койшекенова, А.Ж.Темрешева, Ж.Қ.Дәулетбаева, орыс тілі оқытушысы А.М.Молдагалиева және 4асКШО-9 тобы студенттері қатысты. Қаламыздағы № 40 және №50 мектеп базасы бастауыш сыныптарында байқау практикасын өткен студенттер жинақтаған тәжірибелерімен бөлісті. Қазақ тілі, математика, дүниетану, көркем еңбек және музыка пәндерінен заманауи сабақ үлгілері бойынша презентацияларын қорғады.

Әдіскерлер көрсетілген үлгілі сабақтарға талдау жасады. Директордың оқу-өндірістік ісі жөніндегі орынбасары Мұхамбет Сұпығалиұлы практиканттарға алдағы дипломалды практикаға дайындыққа жауапкершілікпен қарап, қазіргі білім берудегі жаңа талаптарға байланысты алған білім-біліктерін дұрыс бағытта қолдануға кеңес беріп, сәттілік тілеп конференцияны қорытындылады.