Ж.Досмұхамедов атындағы жоғары педагогикалық колледжінде ағымдағы жылдың 10-шы желтоқсан күні «БІЛІМ АЛУШЫЛАРДЫҢ ОҚУ ЖЕТІСТІКТЕРІН БАҒАЛАУДЫ ЦИФРЛЫҚ КЕҢІСТІКТЕ ҰЙЫМДАСТЫРУ»тақырыбындағы Цифрлық даму мектебінің ІІ шақырылымы өткізілді.
Ж.Досмұхамедов атындағы жоғары педагогикалық колледжінде ағымдағы жылдың 10-шы желтоқсан күні «БІЛІМ АЛУШЫЛАРДЫҢ ОҚУ ЖЕТІСТІКТЕРІН БАҒАЛАУДЫ ЦИФРЛЫҚ КЕҢІСТІКТЕ ҰЙЫМДАСТЫРУ»тақырыбындағы Цифрлық даму мектебінің ІІ шақырылымы өткізілді.
10.12.2020ж. күні Студенттер үйінде «Біз Мәңгілік Елдің іргетасын қалаушы Ұлы Дала ұрпағымыз» тақырыбында патриоттық әндер кеші өтті. Мақсаты: Студенттерге патриоттық әндерді айтқызу, тыңдату арқылы Отанын, туған жерін, туған елін құрметтеуге тәрбиелеу. Тұрғындар еңсесі биік егемен еліне арналған әндерін шын жүрекпен орындап, күйлерін шертіп, кешті жақсы көңіл күймен өткізді.
2020 жылдың 7-25 желтоқсан аралығындапәндік онкүндік аясында «English as a vital skill» атты шет тілікафедрасының онкүндігі өтуде.
Онкүндіктің мақсаты: ағылшын тілінің білім алудағы маңызы мен мүмкіндіктерін тереңірек аша отырып, сөйлеу дағдысын дамыту. https://youtu.be/afO-uljLJag
2020 жылдың 8 желтоқсан күні «Адамзаттың бәрін сүй, бауырым деп» тақырыбындағы қазақ тілі мен қазақ әдебиеті кафедрасының пәндік онкүндігі аясында «Бір ел – бір кітап» акциясымен Ә.Әлімжановтың «Ұстаздың оралуы» шығармасы бойынша Zoom платформасында онлайн оқырмандар конференциясы өтті.
Қазақ тілі мен әдебиеті кафедрасының онкүндігі аясында "Мен таныған Абай әлемі" атты жас мамандармен оқытушы С.Ізімова сұхбат өткізді.
Мақсаты: колледж жас мамандарының жеке өмірі мен кәсіби қызметіндегі Абай тағылымының орны мен маңызын айқындау.
Сұхбатқа "Дене тәрбиесі және спорт" кафедрасының оқытушысы Д.Қуанышұлы, жастар ісі жетекшісі Е. Айдарбекұлы, "Шет тілі" кафедрасының оқытушылары А. Бейбітқызы, Г.Тлепбергенқызы, педагогика кафедрасының оқытушысы З.Думанқызы қатысып, тақырып аясында өз ой-пікірлерімен бөлісті.
«Адамзаттың бәрін сүй, бауырым деп» тақырыбындағы пәндік онкүндік аясында 4 желтоқсан күні «Абайтану ғылымы: кеше мен бүгін» студенттердің ғылыми-практикалық онлайн конференциясы өтті. Оған «Қазақ тілі мен әдебиеті» мамандығының 3 курс студенттері қатысты. Ғылыми-практикалық конференцияның мақсаты: Абайдың өмірі мен мұрасын зерттеушілердің еңбектерін зерделеу арқылы тереңірек білу, студенттердің ғылыми-ізденушілік қабілеттерін дамыта отырып, кәсіби білімдерін жетілдіру. Студенттер конференция Әлихан Бөкейханов, А.Байтұрсынов, М.Дулатов, М.Мырзахметұлының,тәуелсіздік жылдарындағы Абай мұраларын зерттеп жүрген ғалымдар арасынан Т. Жұртбай, Т. Шапай, Д.Омаровтардың еңбектерін саралады. Нәтижесінде студенттер Абайдың өмірі мен мұрасын зерттеушілердің еңбектерін зерделеу арқылы ғылыми-ізденушілік қабілеттерін дамыта отырып, кәсіби білімдерін жетілдіруге бағыт алды.
Ж.Досмұхамедов атындағы жоғары педагогикалық колледжінде «Адамзаттың бәрін сүй бауырым деп» атты қазақ тілі мен әдебиеті кафедрасының онкүндігі аясында 03.12.2020ж. онлайн диктант байқауы өтті.
ТжКБ ұйымдарының үздік студенттерін анықтау, марапаттау және жетілдіру мақсатында 05 қыркүйек-20 қазан аралығында «ҚР колледждерінің ТОП 100 студенті» жобасы ұйымдастырылды. Бұл жобаға республикадағы барлық колледждің үздік студенттері қатысып, жобаның ережесіне сәйкес 3 кезеңнен бойынша жұмыстар жүргізілді. Осы жоба аясында Ж.Досмұхамедов атындағы жоғары педагогикалық колледжінде ішкі езең, яғни колледжішілік кезеңінен үздік деп танылған 3 студенттіміз (Қасым Алина, Орынбасар Береке, Орынбасаров Ермахан) аймақтық кезеңге жолданды.
2020 жылдың 26 қараша күні студенттер үйінің тұрғындарымен ЖИТС ОО-ның қызметкері Г.К.Умбетованың қатысуымен «Сақтан ұрпақ ЖИТС-деген қатерден!» тақырыбында кездесу ұйымдастырылды. Кездесуде студенттерге ЖИТС орталықтарының жұмысымен таныстырып, адамзат өміріне қауіп төндіріп отырған қатерлі ЖИТС дертінің алдын алу, оның жұғу жолдарын,одан сақтану, қорғана білу туралы түсіндіріп, салауатты өмір сүруге шақырды.