СТУДЕНЧЕСКИЙ ПАРЛАМЕНТ

Ж.Досмұхамедов атындағы жоғары педагогикалық колледжі Студенттік Парламенттің

2023 - 2024 оқу жылына арналған жұмыс жоспары

Мақсаты:

Студент жастардың рухани, мәдени, білім алуы, кәсіби қалыптасуы мен дене тәрбиесін дамытуы үшін әлеуметтік-экономикалық, құқықтық, ұйымдастырушылық жағдайлар мен кепілдіктер жасау, бүкіл қоғам мүддесі үшін олардың шығармашылық әлеуетін ашу мақсатында тиісті жұмыстарды жүзеге асыру.

Міндеттері:

Жастардың құқықтары мен заңды мүдделерін қорғау;
Жастарға көмек беру және әлеуметтік қызметтер көрсету;
Жастардың әлеуметтік маңызды бастамаларын іске асыру болып табылады;
Ерекше әлуметтік-демографиялық топ ретінде жастардың мүдделері мен қажеттіліктерін тану;
Қазақстандық патриотизмді қалыптастыру;
Жастардың құқықтары мен бостандықтарын іске асыру;
Жастардың проблемаларын шешудегі жүйелілік пен кешенділік;
Мемлекеттік жастар саясатын қалыптастыру мен іске асыруға жастардың тікелей қатысуы;
Студенттердің оқу, ғылыми және шығармашылық қызметіне әрекеттесу;
Өзге оқу орындарының студенттерімен және жастар ұйымдарымен ортақ студенттік қоғам құру;
Студент жастардың қоғамдық жұмыстараға белсене араласуына әрекет ету;
Талантты жастарға қолдау көрсету;
Колледждегі тәрбиелік шараларды өткізуге белсенді ат салысу;

Студенттік парламенттің

2023-2024 оқу жылына арналған жұмыс жоспары

№	Қаралатын мәселелердін, жұмыстардың атауы	Орындау мерзімі	Индикаторлар/сонғы нәтиже	Жауаптылар
ҚЫРКҮЙЕК
1.	Білім күніне арналған салтанатты жиын	01.09.2022 ж	1 қыркүйек – Білім күніне арналған салтанатты шараны өткізу.	Тәрбие бөлімі, Студенттік парламент
2.	Студенттік Парламент мүшелерінің жиналысы	Қыркүйек айының 1 онкүндігі	Студенттік парламент мүшелерін Жастар ісі комитетінің жаңа жетекшісі К.Бикитеевамен таныстыру. Студенттік өзін-өзі басқару ұйымының жұмысына жаңадан серпін беру, белсенділердің басын біріктіру.	Студенттік Парламент
3.	Бірінші курс студенттерін колледж студенттерінің міндеттерімен, студенттік өзін-өзі басқару ұйымының мүшелерімен таныстыру және кездесу өткізу. Жатақхана студенттеріне жатақхана ережелері мен тәртібін таныстыру, түсіндіру.	Қыркүйек айының 2 онкүндігі	Бірінші курс студенттеріне колледж және жатақхана ережелірін таныстыру, құқық бұзушылықтың алдын-алу. Жаңа оқу жылына дарынды студенттерді анықтап, оларды белсенді студенттер қатарына шақыру, пайдалы кеңестермен ақпараттандыру.	Тәрбие бөлімі, Студенттік Парламент
4.	Студент жастардың «Елбасы медалі», «ҚР Алтын жастары», «ҚР колледждерінің ТОП-100 студент» жобаларына қатысуға жағдай жасау	Жыл бойы	Студент жастардың белсенділігін арттыру, қалалық, облыстық, Республикалық сайыстарға іріктеу, белсенді студенттердің басын құрап, топ жасақтау.	Тәрбие бөлімі, Студенттік Парламент
5.	«Отбасы – алтын байлық» атты отбасы күнімен қала тұрғындарын құттықтау шарасы.	Қыркүйек айының 3 онкүндігі	Студенттердің өзіндік жұмыстары арқылы сыйлықтар дайындап, қала тұрғындарын құттықтау.	Тәрбие бөлімі, Студенттік Парламент
6.	«Жаһанша кубогы» Волейбол жарысы	Қыркүйек айының 3 онкүндігі	Колледж студенттері арасында достық қарым-қатынасты нығайту, салауатты өмір салтын ұстануға шақыру	Тәрбие бөлімі, Студенттік Парламент
7.	«Dance battle» би сайысы	Қыркүйек айының 3 онкүндігі	1-курс студенттері арасында бейімделу кезеңіндегі сайыс.	Студенттік Парламент
8.	«Zhahansha life» жобасын өткізу	Жыл бойы	Колледждің белсенді студенттерімен кездесу. Белсенді студенттерді барша колледж студенттеріне таныстыру.	Тәрбие бөлімі, Студенттік Парламент
9.	Мұғалімдер мерекесіне арналған «Ұстаздар - ұлы тұлғалар» атты мәдени шара	Кыркүйек айының 3 онкүндігі	Мұғалім мамандығын дәріптеу және мерекені жоғарғы дәрежеде атап өту	Студенттік Парламент
ҚАЗАН
10.	«Қарты бар елдің қазынасы бар» атты қарттар күніне орай қарттар үйінде концерт.	Қазан айының 1 онкүндігінде	Студенттердің бойына халқымыздың қадірлі қасиетін сіңіру, үлкенді сыйлай білуге және аталы сөзден ғибрат алуға тәрбиелеу.	Студенттік Парламент
11.	«Қазан айы-қайырымдылық айы!» атты қайырымдылық айлығы	Қазан айы бойына	Қайырымдылық айлығы аясында қамкөңіл қарияларға көбірек көңіл бөліп, қолұшын беру. Олардың отбасындағы жұмыстарына қолғабыс жасау.	Тәрбие бөлімі, Студенттік Парламент
12.	«Сыбайлас жемқорлық – сенің жауың!» атты колледжішілік дебат ұйымдастыру	Қазан айының 2 онкүндігінде	Дебат барысында студенттердің бойында сыбайлас жемқорлыққа қарсы мәдениет қалыптастыру. Сыбайлас жемқорлықпен күресте жас буынның ұсыныстарына құлақ асу.	Тәрбие бөлімі, Студенттік Парламент
13.	Студенттер арасында «Zhahansha talents show» жобасын өткізу.	Қазан айының 2 онкүндігінде	Студент жастардың белсенділігін арттыру, қалалық, облыстық, Республикалық сайыстарға іріктеу, команда жасақтау.	Студенттік Парламент
14.	«Ж.Досмұхамедов – Күнбатыс Алашорданың көшбасшысы!» тақырыбында көшбасшылық сағатын өткізу.	Қазан айының 3 онкүндігінде	Ж.Досмұхамедұлының туғанына 135 жыл толуына орай колледжінің белсенді студенттеріне көсемнің қайраткерлік қырымен кеңінен таныстырып, Ұлы тұлғаны үлгі тұту.Студенттік парламент мүшелерімен топ басшыларының көшбасшылық қабілетін дамыту.	Тәрбие бөлімі, Студенттік Парламент
15.	«Егемен елім-мақтанышым менің!» атты «Республика күні» мерекесіне арналған мәдени шара	Қазан айының 2 онкүндігінде	ҚР Президентінің пәрменімен биылғы жылдан бастап қайтадан оралған 25 қазан – Республика күні мерекесінің мән-маңызын кеңінен түсіндіру.	Тәрбие бөлімі, Студенттік Парламент
ҚАРАША
16.	«Тарихы терең Жаһанша колледжі» топ визиткасын қорғау сайысы	Қараша айының 1 онкүндігі	Ж.Досмұхамедов ат. жоғары педагогикалық колледжіне 110 жылдыққа орай арналған сайыс	Студенттік Парламент «Жайық жастары» педагогикалық отряды
17.	«Күз – теңдесі жоқ атмосфера» күзгі балл сайысы.	Қараша айының 2 онкүндігі	Студенттердің шығармашылық белсенділігі және еркін қарым-қатынаста атмосфера құру.	Студенттік Парламент
18.	БҚО ДСБ мен ЖИТС орталығының мамандарымен, колледж медбикесімен кездесу ұйымдастыру.	Қараша айының 2 онкүндігінде	Жат қылықтардан, денсаулыққа қатер төндіретін зиянды әдеттерден аулақ болуға тәрбиелеу, ақпарат беру және алдын алу шараларын ұйымдастыру.	Студенттік Парламент
19.	1 курс студенттерін студент қатарына қабылдау шарасы	Қараша айының 2 онкүндігінде	Бірінші курс студенттерін салтанатты түрде «Студенттік қатарға қабылдау» шарасын ұйымдастыру. Колледж тарихымен таныстыру.	Тәрбие бөлімі, Студенттік Парламент
20.	Фотоколлаж проекті «Біздін колледж: өткені, қазіргісі, болашақта»	Қараша айының 3 онкүндігінде	Ж.Досмұхамедов ат. жоғары педагогикалық колледжіне 110 жылдыққа орай арналған проект	Тәрбие бөлімі, Студенттік Парламент
ЖЕЛТОҚСАН
21.	«Ғасыр індеті» атты ақ халатты абзал жандармен жүздесу	1 желтоқсан	1 желтоқсан – Дүние жүзілік ЖИТС қарсы күрес күні. Студент жастарды жат қылықтардан, денсаулыққа қатер төндіретін зиянды әдеттерден аулақ болуға тәрбиелеу, ақпарат беру және алдын алу шараларын ұйымдастыру.	Студенттік Парламент
22.	«Біз сіздермен мақтанамыз» атты белсенді түлектермен кездесу	Желтоқсан айының 2 онкүндігінде	Ж.Досмұхамедов ат. жоғары педагогикалық колледжіне 110 жылдыққа орай арналған конференция	Тәрбие бөлімі, Студенттік Парламент
23.	«Сыбайлас жемқорлық – сенің жауың» атты Антикор мамандарымен кездесу шарасын өткізу	9 желтоқсан	9 желтоқсан – Халықаралық сыбайлас жемқорлыққа қарсы күрес күні. Осыған орай, студенттердің санасына сыбайлас жемқорлыққа қарсы мәдениет қалыптастырып, мүлдем төзбеушілік қағидатын сіңіру.	Студенттік Парламент
24.	«Тәу етер Тәуелсіздік!» Тәуелсіздік күні құрбандарына тағзым ету шарасы	16 желтоқсан	Еліміздің азаттығы жолында құрбан болған Ұлы тұлғаларды ұлықтап, олардың рухына тағзым ету. Жас ұрпаққа бабалардың аманатын жеткізіп, еліміздің азаттығын сақтаудағы азаматтық парызын сезіндіру.	Тәрбие бөлімі, Студенттік Парламент
25.	«Ескі жылдың есебі» атты Студенттік парламент жұмысының қорытынды отырысы	Желтоқсан айының 3 онкүндігі	2023 жылы атқарылған жұмыстардың есебін беріп, келесі жылға жұмыс жоспарын жасақтау.	Студенттік Парламент
26.	"Қош келдің, Жаңа жыл!"атты мерекелік шара	30 желтоқсан	Жаңа жылдық мерекелік шара ұйымдастыру.	Тәрбие бөлімі, Студенттік Парламент Жайық жастары
ҚАҢТАР
27.	«Сауатты ұрпақ - ұлтты сақтайды» атты ғалым, оқытушылармен отырыс.	5 қаңтар	5 қаңтар – Халықаралық сауаттылық күні. Сауаттылық күніне орай, студенттерді сауаттылыққа шақырып, парасаттылыққа үндеу.	Студенттік Парламент
28.	Адалдық сағаты аясында кездесулер	Қаңтар айының 2 онкүндігі	Өскелең ұрпаққа адалдық және парасаттылық құндылықтарын, сыбайлас жемқорлықтың теріс салдарларын, олардың алдын алу бойынша еліміздің жеткен жетістіктерін кеңінен түсіндіру; сыбайлас жемқорлыққа қарсы мәдениетті қалыптастыру.	Тәрбие бөлімі, Студенттік Парламент
29.	«Оқуға құштар оқу орны» атты арнайы іс-шара.	Қаңтар айының 2 онкүндігі	«Оқуға құштар колледж» тұжырмдамасы аясында сауалнама, тестілеу жүргізу. Студенттердің оқырмандық қызығушылықтарын арттыру.	Студенттік Парламент
30.	«Парасатты адам – қоғамға пайда!» тақырыбында дөңгелек үстел.	Қаңтар айының 2 онкүндігі	Парасаттылық мектебінің мүшелерімен кездесулер өткізу. Өзін – өзі дамытуға бағдар беру, парасаттылық мектебінің жұмысын жандандыру.	Студенттік Парламент
АҚПАН
31.	«Қатерлі ісік - қауіпті сырқат» атты дәрігерлермен дөңгелек үстел	Ақпан айының 2 онкүндігінде	4 ақпан – Халықаралық қатерлі ісікке қарсы күрес күніне орай жылма-жыл жасарып келе жатырған обыр ауруы туралы жастарды ақпараттандырып, студенттерді сырқаттан сақтандыру.	Студенттік Парламент
32.	«Қысқы спортты қолдаймыз!» атты спорттық шара.	Ақпан айының 2 онкүндігінде	Хан тоғайына шаңғымен серуенге шығып, шаңғышылар шеруін ұйымдастыру	Студенттік Парламент
33.	Студенттер арасында «Ойлан тап!» ойындарын ұйымдастыру.	Ақпан айының 2 онкүндігінде	Студенттерді бірлікке шақыру, белсенділіктерін арттыру, білім-біліктерін дамыту.	Студенттік Парламент
34.	«Development Day» атты студенттердің даму күнін ұйымдастыру.	Ақпан айының 2 онкүндігінде	Студенттермен сұрақ – жауап алмасу. Семинарлар өткізу. Дебат ұйымдастыру.	Студенттік Парламент
НАУРЫЗ
35.	«Алғыс айтамын!» атты алғыс айту шарасы	1 наурыз	1 наурыз - Алғыс айту күніне арналған колледжішілік арнайы шара ұйымдастыру.	Тәрбие бөлімі, Студенттік Парламент «Жайық жастары» педагогикалық отряды
36.	«Әлемнің мәні әйелде!» атты мерекелік концерт	8 наурыз	8 наурыз – Халықаралық әйелдер күніне арналған мерекелік концерт. Колледждің нәзік жанды ұстаздары мен аруларына мерекелік көңіл күй сыйлау.	Тәрбие бөлімі, Студенттік Парламент
37.	«Жаһанша аруы» байқауы	12 наурыз	Қазақ қызының бойындағы ұлттық дәстүрімізге сай көріктілігін, ептілігін, ұлттық қасиеттерін танып білуге және жүріп тұру мәдениетін бала бойына қалыптастыру	Тәрбие бөлімі, Студенттік Парламент
38.	«Көрісу күні» атты көрісу дәстүрін кеңінен дәріптеу	14 наурыз	Көрісу дәстүрін колледж жастары асасында кеңінен насихаттап, жастардың арасында бір-біріне деген бауырмалдықтарын арттыру	Тәрбие бөлімі, Студенттік Парламент
39.	«Наурызым - құтты жылым!» концерттік шара	22 наурыз	Наурыз мейрамына орай концерттік шара ұйымдастыру	Студенттік Парламент
СӘУІР
40.	«Өз құқығыңды біл», «Құқық бұзушылыққа жол жоқ!» тақырыбында тәртіп сақшыларымен кездесу	Сәуір айының 2 онкүндігінде	Студенттерге өз құқықтарын білуге үйрету және құқық бұзушылыққа жол бермеу.	Студенттік Парламент
41.	Студенттер арасында «Менің қолымнан бәрі келеді» челленджін ұйымдастыру.	Сәуір айының 2 онкүндігінде	Студенттерді белсенділікке тарту және жеке қабылеттерін анықтау.	Студенттік Парламент
42.	«Қала тазалығы біздің қолымызда» жалпы қалалық сенбілік	Сәуір айының 2 онкүндігі	Жалпы қалалық сенбілікке белсене қатысу.	Тәрбие бөлімі, Студенттік Парламент
43.	«Топтың үздік оқырманы», «Колледждің үздік оқырманы» конкурстарын өткізу.	Сәуір айының 2 онкүндігі	Жастардың кітап оқуға ынтасын арттыру.Оқырман студенттерді ынталандыру.	Студенттік Парламент
44.	«Chess battle» Колледж студенттері арасында шахмат жарысы	Сәуір айының 3 онкүндігі	Студенттердің шахмат ойынына қызығушылықтарын арттыру, достық қарым-қатынас орнату.	Тәрбие бөлімі, Студенттік Парламент
МАМЫР
45.	«Бірлігі бекем елдің, тірлігі көркем!»	1 мамыр	Қазақстан халқының бірлігі күні мерекесін атап өтіп, жастарды бірлікке шақыру шараларын өткізу.	Тәрбие бөлімі, Студенттік Парламент
46.	«Ұрпаққа ұран болған Ұлы Жеңіс»	9 мамыр	Ұлы Жеңістің 79 жылдығын кеңінен атап өтіп, майдангерлердің ерлігін студенттерге дәріптеу. ҰОС және тыл ардагерлерімен кездесу өткізу.	Тәрбие бөлімі, Студенттік Парламент
47.	«Таза сессия» акциясы	Мамыр айының 2 онкүндігі	Оқу жылы аяқталар қарсаңында студенттерді сыбайластықтан сақтандырып, жомқорлыққа жол бермеуге үндеу.	Тәрбие бөлімі, Студенттік Парламент
48.	«Жазғы демалысты дұрыс өткіземіз!» атты жастар жиналысы	Мамыр айының 3 онкүндігі	Студенттерді «Студенттік құрылыс жасақтарына» және «Жасыл ел» еңбек жасақтарының құрамында жұмыс жасауға жұмылдырып, еңбекке баулу.	Студенттік Парламент

Жастар ісі комитетінің жетекшісі: К.Бикитеева

План работы Студенческого парламента на 2022 - 2023 учебный год