Оқытушы Б.М.Кәрімованың ұйымдастырумен Құдайберген Жұбановтың туғанына 120 жыл толуына орай ұйымдастырылған «Бір өзі –бір академия» атты лингвистикалық кешке қазақ тілі мен әдебиеті кафедрасының ұстаздары мен студенттер  қатысты. Шара дара ғалымның өмірі мен шығармашылығын таныстырудан басталды. Ғалымның әртүрлі қырларын тану мақсатында 3 топқа бөлінді: «Лингвист ғалым» тобы (2аҚМҚ)  Құдайберген Жұбановты лингвист ғалым ретінде «Қазақ тілі фонетикасына кіріспе» еңбегі арқылы жалқы саяси және антропонимиканалық онамастикамен, 5-сынып қазақ тілінің грамматикасымен және алғашқы «Ауыл мұғалімі» журналында мұғалімдерге арнап қазақ тілін оқыту әдістемесі туралы, кітапты қалай пайдалану, оқулықтағы материалдарды оқушыларға қалай нәтижелі игерту мәселелерін көтеріп отырды. Осы журналда «Жаңа грамматиканың жақсылықтары», «Шылаулар», «Қос сөздер», «Біріккен сөздер», «Әдіс, бағдарлама мәселелері», т.б. мақалалары туралы келелі пкірлер айтты. 2-топ «Әдебиеттанушы»тобы (2сҚМҚ топ студенттері) әдебиеттанушы ғана емес, сонымен қатар Абайтану ғылымына қосқан үлесін жүйелі түрде жеткізді.Сонымен қатар тұңғыш Абайтанушы ретінде, ғалымның фольклор зерттеушісі екендегін танытатын ең негізгі шығармаларының бірі-«Абай қазақ әдебиетінің классигі» деп аталатын мақаламен таныстырды. Аяқталмай қалған бұл зерттеу 3 тараудан тұрады: «Еленбеген ерекшелік», «Абай және шағатай әдебиеті», «Абай және халық әдебиеті».Бұл тараулардың қай-қайсысы да Абайдың ақындығын тануға арналған. Ал 3-топ «Ұстаздардың ұстазы» (3пҚМҚ ) ұстаз, әдістемеші ғалым жөніндегі зерттеулеріне тоқталды. «Қазақ тілі жөніндегі зерттеулер»(1966), «Күрделі және көмекші етістіктер туралы», «Буын жігін қалай табуға болады?» сияқты еңбектерімен таныстырды. 1966 жылы жарық көрген «Қазақ тілі жөніндегі зерттеулер» еңбегінде фонетика, емле, жазу, әліпби, лексикология, терминология, морфология, лингвистика салалары туралы да сөз қозғады.Әр топ өздерінің ашқан қырларын, кеш барысында түйгендерін «білгенім?», «не қиын болды?», «не білдім?» деген сұрақтарға жауап беру арқылы баяндады. Лингвистикалық кеш арқылы Құдайберген Жұбановтың профессор,  абайтанушы, әдіскер, педагог, түрколог, грамматик-ғалым сынды қырларын таныды. Шара соңында кері байланыс  ретінде «Kahoot it» жаңа танымдық бағдарлама бойынша білімдерін сынады.

Желтоқсан айының 18-і күні 2аТМ тобының қатысуымен «Старый Уральск» мұражайына экскурсия жасалды.

Студенттер үйінде арнайы кино көрсетілімнің афишасы ілінген, сол арқылы студенттер өздерінің кешкі уақыттарын кино залда ұйымдастырады. Сонымен қатар, 1 курс студенттеріне өзін-өзі басқару студенттері  100 қазақ фильм аясында «Анама апарар жол» фильмін көріп, ой талқы жасалды.

Қазақ тілі мен әдебиеті кафедрасының онкүндік жоспары таныстырылып, кафедра оқытушылары ұлтымыздың ұлы ақыны Абай десек, ақын туралы алғаш рет зеттеу еңбек жазып шығармашылығын танытқан ғалым Қ.Жұбанов туралы, Абай салған ақындық жолды  бүгінде жалғап жүрген Ақұштап ақын туралы, «Бір ел-бір кітап» акциясы аясында Ә.Кекілбаев шығармашылығы туралы өзі  ұйымдастыратын шараға жарнама жасады. Колледж директоры С.М.Бахишева өз сөзінде жоспарланып отырған шаралардың танымдық, тағылымдық мәні зор екендігін атап өтіп студенттерге белсене қатысуға шақырды. 3пКШК тобы студенттері Қ.Жұбановтың өмірінен көрініс қойып, ғалымның шын мәніндегі тіл жанашыры болғандығынан хабардар етті.

«Ұлағат» дебат клубы 23 қараша күні өзінің дәстүрлі «Jahansha CUP – II» облыстық турнирін өткізді. Турнирге жоғары және арнаулы оқу орындарының студенттері қатысты. Ерекшелігі: толық БПФ форматында Турнаман бойынша өткізілген облысымыздағы алғашқы турнир болды. Турнир нәтижесі бойынша:

І орынды – «Шамаң келсе бізге» фракциясы (Жалмұқан Ерсұлтан, Амангелді Ермахан);

ІІ орынды – «Арнұрдың туған күн құрметіне фракциясы (Тұрсынғалиев Нұрсұлтан, Нұрлан Зарина);

ІІІ орынды – «Элегант» фракциясы (Самбаев Исламбек, Қаленова Назерке);

«Үздік талпыныс» номинациясын – «Біздің уақыт» фракциясы (Калпабаева Марзия, Гинятова Диана);

«Үздік спикер» номинациясын – Жалмұқан Ерсұлтан;

«Үздік төреші» аталымын – Жамбылова Нұрбақыт иеленді.

05.11.19.БҚО тарихи-өлкетану мұражайындағы көрме залында  «Жастар шығармашылығы» атты шара ұйымдастырылды. Шара барысында «Жаһанша жолымен» экспедиция мүшелері Орынбор сапарымен бөлісті.

Жобаның мақсаты: Қазақ халқының тәуелсіздік жолындағы күрестеріне жол бастаған «Алаш» идеясы тарихы мен сол бағытқа өмірін арнаған Алаш қайраткері Ж.Досмұхамедовтың өмірі, қоғамдық-саяси қызметі туралы зерттеулермен танысу және ізі қалған тарихи орындарға экскурсия жасау арқылы зерделеу.

Міндеттері:

- Жаһанша жолы бойынша зерттеу тақырыптарын анықтап, зерттеу, зерделеу жұмыстарын жүргізу;

-Ресей Федерациясының Орынбор қаласындағы Жаһанша жолының картасын құру;

-Экспедиция мүшелерімен (жобаның ғылыми жетекшілері, оқытушылар, студенттер) Орынбор қаласына іссапарға бару;

- Орынбор қаласындағы Жаһанша есімімен байланысты тарихи-танымдық ғимараттар, жәдігерлермен танысу;

-БҚО тарихи-өлкетану мұражайында экспедиция бойынша тарихи-танымдық шаралар ұйымдастыру;

- «Жаһанша оқулары» атты Республикалық ғылыми конференция  өткізу және конференция жинағын басып шығару;

Экспедиция мүшелері төмендегідей маршрут бойынша сапар шегіп қайтты.

• Орал
• Ж.Досмұхамедов ескерткіші
• Ж.Молдағалиев ескерткіші
• Тақсай қорғаны
• Елек БҚО шекарасы
• Орынбор қаласы
• Керуен сарайы
• Хусайне мешіті
• Алаш партиясының І-ІІ сьезі өткен жер
• Қазақ қайракері А.Байтұрысновтың үйі (1913-18ж )
• Қазақ АКСР-нің үкімет үйі (1920-25ж)
• И.Калугин ат. Педагогикалық колледж
• Орал

Колледжге оқуға қабылданған 1 курс студенттерін «Рухани мұра» музейімен және Жаһанша өмірімен қызметі туралы сағаттар өткізілді.

«Ұлы Дала» жобасының аясында «Жаһанша жолымен» ғылыми-экспедициялық жұмыстары жалғасын тапты. Ресей Федерациясының Орынбор қаласына «Жаһанша жолымен» тарихи-танымдық экспедициясына колледждің белсенді, алғыр студенттері тартылып, барып қайтты. БҚО тарихи-өлкетану музейінде экспедициядан алған әсерлері мен тарихи жаңалықтармен бөлісті, сонымен қатар, халықаралық деңгейде өткен «Жаһанша оқуларында» экспедиция жұмыстары көрмеге қойылып, таныстырылды. Тағы бір айта кететін нәрсе, студенттердің оқудағы жетістіктері мен қоғамдық жұмыстардағы белсенділіктерін ескеріп, «Жаһанша шәкіртақысы» тағайындалды.