Колледжімізде «Рухани Жаңғыру» мемлекеттік бағдарламасы аясында «Қазақстандағы 100 жаңа есім» жобасының жеңімпазы, сөзімен ісін бір арнада тоғыстыра алған атпал азамат Қазақстан инновациялық және телекоммуникациялық жүйелер университетінің ғылыми-білім кешенінің құрылтайшысы, техника ғылымдарының докторы, ҚР Инженерлік академиясы БҚО филиалының төрағасы, ҚР білім беру ісінің құрметті қызметкері, «Құрмет» орденінің иегері Айтимов Ақсерік Сарыұлымен кездесу өтті.

Бұл жоба жайында Елбасы «Жастар өмірге шынайы көзбен қарап, өз тағдырларына өздері иелік ете алатын азаматтар болуы үшін оларға үлгі ұсынуымыз керек» деп ескерткен болатын. Кездесу барысында Ақсерік Сарыұлы студенттермен өмірі мен қызмет жолы туралы ой бөлісті. Студенттер өздерін толғандырып , қызықтырып жүрген сұрақтарын қойып, мәнді-мағыналы жауаптарға көңілдері толды. Шара соңында колледжіміздің «Бейнелеу өнері және сызу» мамандығының дарынды студенті Исмағұл Айдана кездесу барысында салған өз туындысын сыйға тартты.