2020 жылдың 8 желтоқсан күні «Адамзаттың бәрін сүй, бауырым деп» тақырыбындағы қазақ тілі мен қазақ әдебиеті кафедрасының пәндік онкүндігі аясында «Бір ел – бір кітап» акциясымен Ә.Әлімжановтың «Ұстаздың оралуы» шығармасы бойынша Zoom платформасында онлайн оқырмандар конференциясы өтті.
Конференцияға колледж студенттері қатысып, заманында талантты да білімді ақын болған әл-Фараби өлеңдерін оқып, оны әртүрлі қырынан танытты. Сондай-ақ, студенттер Қазақстанның халық жазушысы Әнуар Әлімжановтың өмірі мен шығармашылығын таныстырып, «Ұстаздың оралуы» романына әдеби шолу жасады. Кітаптың әр тарауы бойынша студенттер өз түйгендерімен бөлісіп, шығарма мазмұнын толық талдады.
Шара соңында қазақ тілі мен әдебиеті кафедрасының меңгерушісі Бақытханым Мақсотқызына сөз берілді. Сонымен қатар, көрермен ретінде қатысқан 1пКШК және 1пКШО топ студенттері шарадан алған әсерлері мен өз ойларын ортаға салды.
Көрермендер мен оқырмандарға Kahoot бағдарламасымен кері байланыс орнатылды.
“Бір ел, бір кітап” акциясы бойынша өткізілген бұл конференция оқырмандардың таным көкжиегін кеңейтіп, білімдерін арттырды.
