02.10.2020 Ж.Досмұхамедов атындағы жоғары педагогикалық колледжінде ұстаздар күні мерекесіне арналған «Шәкірт жеңісі – ұстаз жемісі!» онлайн шарасы өтті. Jitsi Meet қосымшасында және Жаһанша колледжі You Tube арнасында тікелей эфирде өткен шара барысында колледж директоры Бахишева Светлана Меңдіғалиқызы колледж ұжымын Ұстаздар күні мерекесімен құттықтады.

Колледж басшысы ардагер ұстаздарға ұрпақтар сабақтастығын қалыптастырғаны үшін алғыс білдіре отырып, жас мамандарға ардагер ұстаздардың еңбек жолымен жетістіктерін тіледі. Шара студенттік өзін-өзі басқару ұйымының және Мерғалиев Медет, Донскова Евгения, Қайырғалиев Ақниет сынды колледж түлектерінің арнайы бейне құттықтауларымен жалғасын тапты.