3 ақпан күні «Цифрландыру жағдайында оқу мен оқытуды ұйымдастыру» тақырыбында математика, информатика кафедрасының он күндігі ашылу салтанаты өтті. Салтанатты шара көрініспен сомдалып, Ғалым атаның «уақыт машинасымен» саяхатқа бірге аттану үшін көрермендермен белсенді түрде түрлі есептер шығарылып, логикалық тапсырмалар орындалды, ойындар ойнатылды.

«Уақыт машинасымен» Абай еліне аяқ басқан саяхатшылар ойлыға да, ойсызға да бірдей жұмбақ жан - Ұлы ақынның 175 жыл мерейтойына тап келді. Арада ғасырдан астам уақыт өтсе де, әр сөзі бүгінгі қоғамға, бүгінгі қазаққа арналып айтылғандай әсер ететін Абайды оқудың мыңдаған себебін айтуға болады, осы жиында студенттер оның 10 себебімен таныстырды. Ғалым ата «Уақыт машинасымен» 10 күн бойы бірнеше жерден өтіп, түрлі шараларға қатысу керек екенін хабарлап, 10 күндік жоспарымен таныстырды. Колледж директоры С.М.Бахишева он күндіктің ашылуымен құттықтап, саяхатшыларға сәттілік тіледі. Шара барысында құлақтан кіріп, бойды алатын тамаша әндер шырқалды, билер биленді.