10.11.2019 ж Жастар жылына орай студенттер үйінде Облыстық жастар ресурстық орталығының жастар саясаты бөлімінің мамандары - Мейірбек Қайырұлымен жайдарманшы Шамұратов Даурен Ибатұлымен мотивациялық кездесу ұйымдастырылған болатын. Кездесу еркін бағытта басталып, замандастар арасындағы әдемі әңгімемен өрбіді.
Даурен Ибатұлы мен Мейірбек Қайырұлы студенттерге өздерінің жұмыстарын таныстырып, қызықты жағдайларымен бөлісіп студенттердің қойған сұрақтарына жауап берді. Кездесу барысында Даурен Ибатұлы өзінің өлеңдерін оқып берді. Кездесу студенттердің келген қонақтарға деген алғыс білдіруімен, қонақтарымыздың студенттерге деген ыстық лебізімен аяқталды. Кездесу барысында түрлі бағыттағы әңгімелер қозғалып, студенттердің өзін толғандырып жүрген сұрақтарына жауап алып, қаламызда болып жатқан түрлі шаралардан хабардар берді. Кездесу замандастар арасындағы жанашырлықтың көрінісі болғандай.
