30 мамыр күні Жұбан Молдағалиев атындағы Батыс Қазақстан облысы орталық әмбебап ғылыми кітапханасында Жаһанша Досмұхамедов атындағы жоғары педагогикалық колледжімен бірлесе 4 – маусым Қазақстан Республикасының Мемлекеттік рәміздері күніне орай «Мемлекеттік рәміздер – ел мәртебесі» атты патриоттық сағат өтті.

Патриоттық сағатта Жаһанша Досмұхамедов атындағы жоғары педагогикалық колледжінің студенттері ел рәміздерінің тарихын баяндады. Сонымен қатар тұңғыш рәмізтанушы Ербол Шаймерденовтің өмір жолы туралы бейнебаян көрсетіліп, өлеңдері оқылды. Құрманғазы атындағы саз колледжінің студентері Утегалиев Нұрәлі «Қазақстан жас ұланы», Жетесов Аманжан «Біз біргеміз» әндерін шырқады. «Ел рәміздері – еркіндік нышаны» атты кітап көрмесіне кітапханашы Айнагүл Бекболатқызы шолу жасады.

Шараға Жаһанша Досмұхамедов атындағы жоғары педагогикалық колледжі мен Орал гуманитарлық – техникалық колледжінің студенттері қатысты.