29 наурыз Ж.Досмұхамедов атындағы жоғары педагогикалық колледжінің музыка кафедрасының бүгін «Музыка арқылы трансформация: тұлғалық өсу және өзін өзі дамыту»атты кәсіби онкүндігінің кезекті шарасы болды. Жоспар бойынша 3 асКШМ-9 тобының студенттері арасында "Музыка сабағына жаңа көзқарас" атты байқау өтті. Байқау мақсаты: музыка сабағында ұйымдастыруда әртүрлі әдістер мен тәсілдерді қолдану, өзін аудитория алдында ұстай білу, шығармашылық дамыту.

Байқауға музыка кафедрасының 7 студенті қатысты. Олар: Қайыржанов Асылбек, Қобландиев Мадияр, Бақытжан Баянбек, Сәрсенова Жасмин, Өтенова Талшын, Жақсылықова Қымбат, Сагидуллина Мадина. Студенттер өз шеберліктерін байқаудың 3 турында керемет көрсете алды. Байқау қорытындылары бойынша әділқазылар алқасы түрлі аталым бойынша студенттерді марапаттады.

Кафедрамыздың кәсіби онкүндігінің шаралары өз жалғасын керемет тауып жатыр. Сіздерді белсенді түрде қатысуға шақырамыз.