14 ақпан – Халықаралық кітап сыйлау күні. Яғни адамдар бір - біріне құрмет пен сыйластықтың белгісі ретінде сыйлыққа кітап ұсынатын күн. Кітап – адамзат қоғамының ұлы жетістігі, ұлы ұстазы.

Осы атаулы мерекеге орай, 3а КШО-9 Англ. тобы және 2ап КШК-11топ студенті Жакупов Ернар қазақ мәдениетінің өрлеуі мен дамуына өлшеусіз үлес қосқан мемлекет және қоғам қайраткері, ұлы этнограф Өзбекәлі Жәнібеков туралы жазылған Санжар Керімбайдың «Өзбекәлі және мәдени майдан» кітабын кітапханаға тарту етті.

Өзбекәлі Жәнібеков – қазақ халқының ұлттық мәдениетін, ана тілін, дәстүрлері мен әдет-ғұрпын жаңғырту және дамыту жолында ерен еңбек сіңірген тұлға. Ол «Наурыз» мейрамының жаңғыртуына, сондай-ақ М.Дулатов, Ж.Аймауытов, М.Жұмабаев, Ш.Құдайбердиев сынды ұлы тұлғалардың есімдерін халық арасында қайта жаңғыртуға белсене қатысқан.

Бұл кітап, Өзбекәлі Жәнібековтің өмірі мен еңбектері арқылы қазақ мәдениетінің бай тарихын көрсетіп, оқырмандарға оның қоғамдағы рөлі мен маңызын түсінуге көмектеседі. Сондай-ақ, бұл шығарма қазақ тілінің дамуына да Өзбекәлі Жәнібековтің қосқан үлесін айқын көрсетеді.

Бұл кітап қазіргі таңда оқырмандар арасында кеңінен таралып, оқылуда. Енді біздің колледж кітапханасынан алып оқи аласыздар!