Желтоқсанның 15-і күні Жаратылыстану және қоғамдық пәндер кафедрасы 10 күндігі аясында оқытушылар Жеңісгүл Ермекқызы Молдағалиева, Әлия Рамазанқызы Дусалиева және өзі жетекшілік ететін “ECObolashaq” үйірмесінің белсенді мүшелері ұйымдастыруымен колледждің 110 жылдығына арналған "Тарихқа TRAVEL" квест ойыны 1- 2 ші курстықтар арасында ұйымдастырылды.
Алдын ала "Айна", "Мүсін","Зерттеу", "Жарық жұлдыздар","Жасырын пән" бекеттері бойынша түрлі интеллектуальдық- логикалық тапсырмаларды бірнеше мамандықтарға сай топ командалары оқу кабинеттерін тауып, өз беттерімен берілген уақыт ішінде орындау керек болды. Тапсырмалар жүйелі түрде кітапхана, колледж холлы, жасырылған оқу кабинеттерінде әзір тұрды, студенттер тек маршруттан ауытқымай, бағдарлау арқылы нақты уақыт аралығында тиісті деңгейде орындап шықты. Ұйымдастырылған квест шараның алғашқы бекеттен орындалу барысын кафедра оқытушылары қатысып,мұқият қадағалап отырды.
Негізгі мақсат: поэтикалық сөздер арқылы колледж мерейін асырған Жаһаншадай, Халелдей т.б.тарихи тұлғаларды мадақтау, ,"Үздік педагог" атанып республикаға танымал болған колледж оқытушылары туралы реттілік кестесін толтыру, география, математика пәндері бойынша бірнеше логикалық тапсырмаларды команда болып орындау болды. Квест ойыны қатысушылардың өте күшті қызығушылықтарын тудырды, нәтижесінде 1аКШИ-9, 1аКДО-9, 1аКШО-9 1а РШО-9 топтарының жоғары белсенділіктері шараға қатысушы оқытушылар тарапынан аталып өтті.
Шараны ыждағаттылықпен жоғары деңгейде ұйымдастыра білген Ә.Р.Дусалиевамен Ж.Е.Молдағалиеваға квестке қатысқан кафедра оқытушылары мен кафедра меңгерушісі С.К.Бисенова ризашылықтарын білдіріп, алғыстарын айтты.
