30.11.2023 күні Ж.Досмұхамедов атындағы жоғары педагогикалық колледж жанындағы жатақхана тұрғындарын өрт қауіпсіздігі жөнінде нұсқамамен таныстырып, өрттің алдын алу шаралары бойынша түсіндірме жұмыстары жүргізілді. Колледждің шаруашылық меңгерушісі А.Б.Уразалиев жатақхана қызметкерлері мен тұрғындарына арнайы ережелерді түсіндіріп, өрт болған жағдайда тез арада 101 жедел нөмеріне хабарлап, колледж әкімшілігіне хабарлау керектігін ескертті.

Мақсаты: Студенттерге өрт қауіпсіздігі туралы түсінік беріп, өрт тілсіз жау, өрттен сақтану жолдарын үйрету. Студенттерді өрт қауіпсіздігі ережелері туралы білімдерін қалыптастыру, қауіп төнген кезде өздерін қорғай білуге машықтандыру.

Арнайы көрнекіліктер арқылы өртті болдырмау, қорғану, көмек беру,эвакуация барысындағы шығу ережелері нақты айтылды. Студенттер тарапынан сұрақ қойылып, жатақханадан шығу жолдары түсіндіріліп, көрсетілді. Өрттің алдын алу мен өрт болған жағдайдағы әрекеттер туралы нұсқаулықтан толықтай өтті.