Дәл осындай атаумен қаламызда алғаш рет Батыс Қазақстан облыстық қоғамдық даму басқармасының қолдауымен, Орал ақпараттық-талдау және жастармен жұмыс жөніндегі ресурстық орталығының ұйымдастыруымен ер азаматтар форумы өтті.
Форум спикерлері елімізде түрлі салада еңбек етіп жүрген Нұрділдә Ораз, Мұнайдар Балмолда, Бақытжан Құралбайұлы, Ерлік Шамғали, Рустам Шайхиев, Азамат Аленов сынды талантты да табысты, ел дамуына, жастар бастамаларын қолдауда өз үлесін қосып жүрген ер азаматтар сөз сөйлеп, ерлер қауымына, жастарға деген өз ақыл-кеңестерін айтып, пікірлерімен ой бөлісті.
