16 қараша күні студенттер күніне орай Тәрбие бөлімі, Жастар ісі комитетінің ұйымдастырумен “Студенттік қатарға қабылдау шарасы” өтті. Колледжіміздің 1-курс студенттері ресми түрде студенттер қатарына қабылданды.

Шараға директордың тәрбие ісі жөніндегі орынбасары Б.М.Каримова, директордың оқу ісі жөніндегі орынбасары С.М.Кенжегалиева және топ кураторлары қатысты. Б.М.Каримова студенттерді мерекемен құттықтап, 1-курс студенттері арасында өткен Zhahansha Talents show байқауының жеңімпаздарын, Дублер күнінде үздік сабақ берген студенттерімізді марапаттады. С.М.Кенжегалиева өз кезегінде 1-курс студенттерін ресми түрде студенттер қатарына қабылдануымен құттықтап, дәстүрлі түрде берілетін “Білім кілтін” 1аКШО-9 тобының студенті Сапар Ақботаға, “Сынақ кітапшасын” 1аКШК-9 тобының студенті Аманжол Самираға табыстады.

1аКШК-9 және 1аРШО-9 тобының студенттері ресми түрде ант қабылдады. Шара жоғары деңгейде өтіп, Рахымғалиұлы Даниярдың орындауындағы “Жаһанша жастары” атты әнұранымен аяқталды.

Шараның өтуіне қолдау көрсеткені үшін Жастар мәдениет сарайына алғысымызды білдіреміз!