«Мамандықа кіріспе» машығынан өтіп жатқан 2асКШО-9 тобының студенттеріне «Зерде» клубының жетекшісі Қ.Ү.Жақыпова «Зерделі студенттен білікті басшы» тақырыбында дәріс өткізді. Дәріске колледжді 2000 жылы тәмамдаған 3кҚМБ тобының топ басшысы, қазіргі №33 мектептің директоры Ү.И Ерғалиеваны шақырды.

Әр жылдары бітірген Н. Жумаканова (ағылшын тілі), Н.Кереева, А.Қойшекенова, Ж.Орынова (бастауыш сынып), Д.Кадеров (математика) түлектерімен қатар информатика пәнің мұғалімі Н.Саткан және директордың тәрбие ісі жөніндегі орынбасары Кабошев Бержан қатысты.

Үміт Илиясқызы тұлға болып қалыптасуындағы колледждің орнын аса зор ілтипатпен әңгімеледі. №43 мектептен бастау алғашқы еңбек жолынан күні бүгінгі уақыт аралығындағы қызметін, мектептегі атқарылып жатқан жаңашыл бағыттағы жұмыстарды студенттер ықыласпен тыңдады. Дәрістің мақсаты алғаш машыққа шыққан білім алушыларға бастауыш сынып мұғалімі ісінің жауапкершілігін сезіндіру, колледж түлегінің талмай еткен еңбегі пен өзін қамшылауы арқылы жеткен жетістігін өнеге ету болды.

Сондай-ақ Қырымжан Үмбетрзақызының Үміт Илиясқызына куратор болған кездегі Наурыз мерекесі қарсаңында алғаш ұйымдастырған «Әлем жылнамасы» тақырыбындағы тәрбие сағаты мен 3жыл бойы сабақ жүргізген оқытушыларға арнап өткізген «Қоштасу кешінің» қолжазбасын суретімен көрсетуі ерекше әсер берді. Дәріс студенттердің мамандығына деген талпынысы мен сенімін шыңдай түседі.