2019 жылдың 11.11.-12.12. күндері аралығында  «Болашаққа бағдар: Туған жерге-тағзым» тақырыбы аясында Қазақстандағы Жастар жылына орай ТжКББҰ арасында «Жастар-қоғамның жарқын болашағы» атты облыстық фестиваль ұйымдастырылды. Фестивальды өткізу кестесіне сай 19 қараша күні колледжде өткізілді. Мақсаты-ТжКББҰ студенттерінің туған жерге деген сүйіспеншілігін арттыру мен қазақ халқының және Қазақстанда тұратын өзге де ұлт өкілдерінің тілін, мәдениеті мен салт-дәстүрлерін насихаттау, дәріптеу. Білімді, креативті, жаңаша ойлай білетін жастарды, инновациялық жобаларды, үздік шығармашылық жұмыстарды анықтау. Колледж жетістіктерін қолдау, озық іс-тәжірибелерін тарату арқылы жастарды жаңа қазақстандық патріотизм рухында тәрбиелеу мақсатындағы тәрбие жұмыстарын жүйелеу. Фестивальдің І-кезеңі бойынша «2019 жыл-Жастар жылы» тақырыбында үздік бұрыштама дайындау бойынша көрме жасалды. Көрмеге колледжде жүзеге асырылып жатырған жобаларды, олардың материалдары, қолөнер жұмыстары қойылды. Инновациялық жобалар бойынша «Жаһанша жолымен», «Студенттер үйі- өз үйім», «Қайырымдылық» жұмыстары бойынша презентациялар дайындалып, баннерлер жасалды. ІІ-кезең «Туған елім-мақтанышым» тақырыбы бойынша концерт тік бағдарлама дайындалды. Концерттік бағдарламаны «Музыкалық білім беру» мамандығының студенттері мен оқытушылары дайындап, патриоттық тақырыпта жеке, дуэт, трио, топ ретінде эстрадалық ән және дәстүрлерді  жоғары деңгейде орындады және қазақ биі, достық билерін көркемдік ерекшелікпен орындады. Фестиваль нәтижесінде «2019 жыл-Жастар жылы» үздік бұрыштама номинациясының лауреаты атанды.

ҚР Тәуелсіздігі күніне арналған «Еліміздің еркіндігі-Тәуелсіздік!» атты тәрбие сағаттары

«Қазақ зиялылары ұлттық тәуелсіздік жолында: ХХ ғасырдың ширегі» халықаралық ғылыми-тәжірибелік конференция 2019 жылдың 12 желтоқсанында Батыс Қазақстан инновациялық-технологиялық университеті мен колледждің ұйымдастыруымен дәстүрлі  «Жаһанша оқулары» аясында Х.Бөкеева атындағы қазақ драма театрында оздырылды. Алыс және шетелдер мен отандық ғалымдардың қатысуымен өткізілген конференцияның бағыты мен мақсаты Жаһанша тағылымы және заманауи білім беру мен тәрбие мәселелері, қазақ зиялыларының өмірі және қоғамдық-саяси қызметі, құқықтық, әлеуметтік, зайырлы мемлекет құрудағы ұлт зиялыларының тарихи көзқарастары,рухани құндылықтар: әдебиет, ұлттық тіл, жазу, емле мәселелері аясында өтті. Өткен ғасырлар тоғысында қазақ зиялыларының қалыптасуымен бірге ұлт-азаттық күресі жаңа әлемдік деңгейге көтеріліп жаңа сапада өрбіді. Алаш қозғалысын өмірге әкелген ұлт зиялыларының озық тобы да, 1920 жылы қазақ автономиясын қалыптастыратын советтік қайраткерлер де ұлттық тәуелсіздік жолында өлшеусіз қызмет етті. Осыған орай ғасыр бұрынғы ұлт көшбасшыларының арман-мүдделерінің бүгінгідей еліміздің тәуелсіз дамуы жүзеге асқаны жағдайында олардың қазақ көшін алға сүйреу жолындағы қызметін саралау және қазіргі зерттеулерінің нәтижелерін баяндау, жаңа мұрағаттық құжаттарды ғылыми айналымға енгізу- конференцияның негізгі мақсаты болды. Конференцияға алыс және жақын шетелдер мен отандық ғалымдар мен қатар облыс әкімі Ғали Нәжімеденұлы Есқалиев қатысып, құттықтау сөз сөйлейді. Бағдарлама бойынша атап айтқанда, тарих ғылымдарының докторы, академик Т.З.Рысбеков «Ораз Исаев-мемлекет және қоғам қайраткері», Әл-Фараби атындағы Қазақ ұлттық университетінің профессоры, тарих ғылымдарының докторы ҚР Ұлттық Ғылым Академиясының кореспондент мүшесі Берекет Бақытжанұлы Кәрібаев «М.Тынышпаев және ортағасырлық Қазақстан тарихының мәселелері» (Алматы қ), Әл-Фараби атындағы Қазақ ұлттық университетінің профессоры, заң ғылымдарының докторы Шолпан Арапбайқызы Забих «Государственные и правовые взгляды выдающегося политического деятеля начала ХХ века Жаханши Досмухамедова», БҚО, Теректі ауданының прокуроры, тарих ғылымдарының кандидаты Равиль Сидағатұлы Мажитов «Ж.Досмұхамедов және «Алаш» ұлттық автономиясының концепциясы», Халықаралық  «қазақ тілі» ұйымы РФ филиалының және Орынбор «Достық үйі» қоғамдық бірлестігінің жетекшісі Сауле Совхозқызы Таикешева «Роль казахских просветителей первой четверти ХХ века в Оренбургским крае» (Орынбор қ, Ресей), атты баяндамаларымен қазақ зиялыларының  қазақ көшін алға сүйреу жолындағы қызметін саралау және қазіргі зерттеу нәтижелерін баяндау, жаңа мұрғаттық құжаттарды ғылыми айналымға енгізу секілді бірқатар құндылықтармен бөлісті. Сонымен қатар аталмыш конференция аясында колледждегі оқуымен қоғамдық жұмыстарда белсенділік танытып, колледждің мақтаныштарына айналған 7 үздік студенттерге Ж.Досмұхамедов атындағы шәкіртақы табыс етілді. Халықаралық ғылыми-тәжірибелік конференцияның секциялық жұмысы колледждің аудиторияларында жалғасты. Студенттердің барлығы секциялық жұмыстарға қатысып, белсенділік танытты.

11 желтоқсан күні 1аРШО топ студенттері «Мы, поколение Независимости» атты кездесу өткізді. Кездесуге 2019 жылдың колледж түлектері, «Бастауыш білім беру» мамандығының студенттері Серикова Кунсулу, Истлеуова Аксауле, Урузгалиева Диана қатысты.

Колледжде Тұңғыш Президент күніне арналған «Ел тірегі болған Елбасы!» атты патриоттық ашық тәрбие сағаттары өткізілді. 29 қараша күні ҚР-ның тұңғыш президентінің күніне орай «Заманауи Қазақстан. Елбасының көшбасшылығы сабақтары» тақырыбында тәрбие сағаты оздырылды. Тәрбие сағатында елбасының қызмет саласына «ассоциация» жасалып, елбасы Н.Ә.Назарбаев туралы бейнероликті (презентацияны) көрсетілді. «Бағдарламаларды дайындау» ойыны ойнатылды.

Шара соңында рефлексия жасалды:

• Болашақта өзімді қандай адам ретінде елестетемін?
• Тұңғыш Президент – Елбасы Н.Ә.Назарбаевтың бойында бар қандай қасиетті міндетті түрде өз бойымда дамытамын?
• Қазақстанның дамуына қандай үлес қосар едім?

11 қазан күні латын графикасына негізделген қазақ әліпбиін үйретудің оңтайлы технологиялары негізінде колледж оқытушыларына латын әліпбиі мен емлесін меңгертіп, теориялық және практикалық білімдерін жетілдіру мақсатында оқытушылар Б.М.Кәрімова, А.С.Құраубайдың ұйымдастыруымен «Латын әліпбиі – өркениет жолы» тақырыбындағы латын әліпбиі емлесі бойынша оқытушылар арасында семинар өткізілді. Семинар барысында оқытушыларға латын әліпбиінің емле ережелері таныстырылып, тапсырмалар орындалды. Оқытушылар әріптер бойынша топқа бөлініп, я, ю әріптері және э, ё, ц, щ әріптері бар сөздердің жаңа емлесі және оларға қосымшалардың жалғануы бойынша, сонымен бірге тч, дж, ст, сть, ий, нг әріп тіркестері бар сөздердің емлесі туралы мағлұмат алып, жаңа ережелер бойынша сөздердің дұрыс жазылуын үйренді. Семинар соңында қатысушылардың оқылым дағдысын жетілдіру мақсатында латын әліпбиіндегі мақалалар мен мәтіндер берілді. Латын жазуына көшу – бүгінгі күннің қажеттілігі, ал латын жазуы – әлемдік өркениетке бағыттайтын күре жол. Оқытушылар семинар соңында латын негізді қазақ әліпбиінің қазақың дүниетанымына барынша жақын , кірме дыбыстардың саны азайып, төл дыбыстарымызды еркін қолданатын мүмкіндікті байқағаны туралы  өз ойларын ортаға салды.