2021 жылдың 25 ақпан күні Облыстық “AQJAIYQ” телеарнасы «Күншуақ» бағдарламасында Ж.Досмұхамедов атындағы жоғары педагогикалық колледжі, Музыка кафедрасының оқытушылары Б.Н.Бакимов, М.Ж.Хайдарова және 3аКШМ тобының студенттері Қайруллиев А., Магданов А. тікелей эфирде болып, сұхбат берді.

«Ұлттық өнер - өміршең қазына» тақырыбындағы бағдарлама барысында өнер жөнінде, соның ішінде музыка кафедрасының тарихы, қазіргі онлайн жағдайындағы жұмысы, студенттердің және ұстаздардың жетістіктері жөнінде әңгіме өрбіді. Педогогикалық бағыт пен қатар шығармашылық даму қамтылды.

Қазіргі пандемия кезіндегі оқу процестерінің жүргізілуі бағытында және студенттердің қашықтан оздырылған байқауға қатысуы жөнінде біраз сөз қозғалды. Шығармашылық жолында ізденген, еңбектенген жанға пандемия да кедергі болмайтындығы дәлел болғандай, республикалық, халықаралық қашықтан ұйымдастырылған байқаулардың жүлдегерлері атанған колледж студенттері өздерінің жеткен жетістіктерімен бөлісті. Эфирде 3курс студенттері Армат Магданов Даулеткерей бабамыздың күйі «Көреғұлы» күйін орындаса, Асхат Кайруллиев “Батырлар ұраны” әнін орындап, бағдарламаның шырайын келтірді. Тікелей эфир көрермендерінен алғыс, тілектері оқылып, қоңырау шалынып, жас музыканттарды құттықтап жатты. Жалпы кеш өте тартымды өтті. Эфир соңында бағдарлама атынан колледж ұжымына үлкен ризашылық білдіріп, шығармашылық табыстар тіледі.