24.02.2020 күні Ж.Досмұхамедов атындағы жоғары педагогикалық колледжінде Музыка кафедрасының жоғары санатты, тәжірибесі мол оқытушысы Мукажанова Бақыт Хамешқызының мерейлі 70 жасқа толуына арналған «Ұстаздың ұстаздық ұлы жолы» атты кездесу кеші ұйымдастырылды. Кешті Ж.Досмұхамедов атындағы жоғары педагогикалық колледж директоры педагогика ғылымдарының докторы С.М.Бахишева құттықтау сөзімен бастады.

Б.Хамешқызы 1977 жылдан бері Ж.Досмұхамедов атындағы педагогикалық колледжінде «Музыка және оқыту әдістемесі» пәнінен мектепке дейінгі тәрбие және оқыту, музыкалық білім беру мамандықтарына күні бүгінге дейін жалпы 43 жыл сабақ беріп келеді. Барлық ұстаздық ғұмырын музыка пәні мұғалімдерін даярлауға арнаған ұстаздың еңбегі орасан зор. Ол бірнеше жылдар бойы топ жетекшісі қызметін үздіксіз атқарып, талай белгілі де белді шәкірт тәрбиелеген ұлағатты тәлімгер, ұстаз. Ардақты ұстаздың еңбегін ақтаған шәкірттері Ж.Досмұхамедов атындағы жоғары педагогикалық колледж оқытушысы А.Қ.Уразгалиева, №34 «Балбұлақ» бөбекжайының директоры А.М.Айткалиева, №10 «Балапан» бөбекжайының директоры А.С.Кенжегарина және Ж.Тамашева, Т.Исмагулова, Қ.Мамиева, А.Кульбаева Бақыт Хамешқызына арналған кездесу кешінде сүйікті оқытушыға деген жүрек жарды тілектерін, алғыстарын айтып, студенттік шақтарының қызықты сәттіремін сағына бөлісті. Сондай- ақ, Бақыт Хамешқызымен 1977 жылдан бері бір ұжымда бірге жүрген әріптестері Р.Г.Шинтемирова, Р.А.Сулейменова, Т.У.Маденова құттықтап, жастық шақтарының естеліктерімен бөлісті.

Өнегелі де, білікті ұстаз Бақыт Хамешқызының аянбай еңбегін Музыка кафедрасының Жоғары санатты оқытушы А.К.Утебаева мен Музыка кафедрасының меңгерушісі А.А.Батырханова атап айтып, құттықтау сөздерімен кеш аяқталды.