Ж.Досмұхамедов атындағы жоғары педагогикалық колледж студенттерінің қатысуымен колледжішілік фотоквест ойындары өткізілді.Ойынның мақсаты студенттерді салауатты өмір салтын ұстанып, спортпен шұғылдануға шақыра отырып, жастарды топ ішінде бірлікпен жұмыстануға жұмылдырып, логикалық ойлау қабілетін дамытып, шапшаң ойлауын арттыру.

Аталмыш ойынға колледжміздегі 1аФК тобынан құралған «ФизNew» командасы, 1аМК тобынан «Динамит», 1аКШТ тобынан «Жалын», 1аКИНФ тобынан «Олимп» командалары қатысып белсенділік көрсетті.Ойын колледж аймағынан бастау алып, Құрманғазы мен Дина ескерткіші аумағына дейінгі аралықта жалғасты. Студенттер уақытпен жарысып, берілген сұрақтарға тез жауап тауып, тапсырмаларды тапқырлықпен орындап, ойын ережелерін толық сақтап, команда болып жұмыс жасады.

22 қараша күні өзін-өзі басқару ұйымының және Жас Отан ЖҚ бөлімшесінің ұйымдастыруымен ҚР жастар саясатының жүзеге асыру, білімді жастар мен үздік ұжымдарды анықтау, қатысушыларға зияткерлік байқауды түсіндіріп, топта бірлесе жұмыс істеуге, басқа адамның жұмысын бағалауға үйрету қатысушылардың шеберліктерін, ой-өрісін, қызығушылығын дамыту, ұйымшылдыққа, шапшаңдыққа тәрбиелеу, студенттердің  жұмысын жандандыру мақсатында «SMART STUDENTS» интеллектуалдық-ойыны өткізілді.

Зияткерлік ойынға 1курс студенттері қатысып,  1 орынды «1аФК» тобынан иеленсе, 2орын «1аМК», 3орын «1аКШО» орындарға ие болды. Қалған қатысушылар белсенді қатысқаны үшін дипломдармен марапатталды.

2019 жылдың 15 қараша күні 1 курс студенттеріне «ЖАҺАНША студенттерінің қатарына қабылдау» кеші өтті. Кеш 2асКШМ топ студенттерінің «Emotion” тобының жастар биімен ашылды.1 курс студенттеріне ұйымдастырылған кеш арқылы еліміздегі алдыңғы қатарлы бірі әрі бірегейі, білім мен ғылым ордасы, 106 жыл тарихы бар, Жаһанша атындағы жоғары педагогикалық колледжінің студенттері қатарына қабылданатындарын айтып, қабылдаудың өз рәсімдеріне тоқталып өтті. Осы уақыт аралықтарында колледжді түлеп шыққан түлектеріміз еліміздің білім, ғылым, өнер саласына өз үлестерін қосып жүргендерін мақтан етіп, оларға да сенім мол екенін айтты. Алғы сөз колледж басшысы С.М.Бахишеваға беріліп, сахнада сынақ кітапшалары топ басшыларына табысталды. Сонымен қатар, колледжде қызмет етіп жұрген ардагер ұстаздарымыз Галимова Абила Утепкалиевна және Набидоллин Бисенбай Куанышқалиұлы студенттерді құттықтап, студенттік билеттің маңыздылығы мен қажеттілігі айтып, олледж студенті екенін дәлелдейтін негізгі құжаттың бірі екенін жеткізді. Бойындағы бар асыл қасиеттерді баласының бойына сіңіріп, қатарынан қалмасын, білім алып үлкен азамат болсын деп барынша жақсы тәрбие беретін  ата-ана екенін еске ала, студент қатарына қабылдау  салтанатты кешіне анамыз Жубанова Ләйлім Бақытқызын және колледж қамқоршылық кеңесінің төрағасы Теміралиев Рақымғали Сергалиевичте шақырылып, құттықтау сөзі берілді. Колледждегі студенттік өзін-өзі басқару ұйымының президенті Серикова Жанаргул құттықтау сөзін айтып, адалдық, адамгершілік ережелерін ұстануға шақырды. Залдағы студенттерге адалдық, адамгершілік ережелері үйлестірді. Колледжде дәстүрлі түрде 1 курс студенттерінің шығармашылығын, қабілеттерін насихаттау, жас ұрпақты рухани құндылықтармен сусындату мақсатында өткен «Сенің жұлдызды сәтің!» байқаудың қорытындысын хабарлау үшін, байқаудың талаптары бойынша жоғары деңгейде көрсеткен студенттерді музыка кафедрасының меңгерушісі Батырханова Армангул Айдаровна марапаттады. Жаһанша студенттерінің қатарына қосылу үшін ұрпақтан ұрпаққа берілетін ант қабылдау рәсімі жасалды. Барлық студенттер ант қабылдап, «Гаудеамус» әнұранын орындады.

02-06 қыркүйек күндері 1 курс студенттерін колледж оқу үрдісіне бейімдеу мақсатында арнайы «Назарбаев зияткерлік мектептері» және ДББҰ «Педагогикалық шеберлік орталығы» мамандары «Мамандыққа алғашқы қадам» атты апталық сағат ұйымдастырды.  Мақсаты: педагогикалық қызмет туралы білім алуға ынталандыру, мамандыққа деген қызығушылықты арттыру критерийлерімен таныстыру, заманауи мектептегі жас мұғалімнің өзін-өзі жетілдіру мен жұмыс істеу әдістерін қалыптастыру. Әр күн мынадай тақырыптардан тұрды: «Менің болашақтағы мектебім», «ХХІ ғасыр білімі», «Зияткерлік мамандық.Ақпаратпен қалай жұмыс істеуге болады?», «Табысты студент- кәсіпқой маман», «Қоғамдастықтағы мұғалім».

10 қыркүйек күні 1 курс студенттеріне кітапханаларды таныстыру мақсатында Ж.Молдагалиев атындағы БҚО әмбебап ғылыми кітапхананың апталығына қатысты.

2019-2020 оқу жылындағы 1 курс студенттерін колледждегі кітапханамен таныстыру кестесі

Ж.Досмұхамедов атындағы жоғары педагогикалық колледжінде білім күніне арналған салтанатты жиын өтті. Жиынға "Құрмет" орденінің және халықаралық "Алаш" әдеби сыйлығының иегері Бақтыгереева Ақұштап Бақтыгерейқызы, колледжіміздің "Ұрпақтар сабақтастығы" клубының төрағасы, белгілі өлкетанушы-ғалым Жайсаң Ақбай ағамыз, педагогикалық еңбек ардагерлері Цымбал Надежда Николаевна, Белоконь Лидия Ивановна, Губашева Балғаным Салауатовна, Нугманов Максим Капаевич, Сулейменов Мақсот Насикенұлы  және Батыс Қазақстан облыстық Білім басқармасы техникалық және кәсіптік білім беру бөлімінің басшысы  Мұстафин Асан Абайұлы қатысып, ұстаздар мен шәкірттерді білім күнімен құттықтады. Өз сөзінде ақын апамыз А.Бақтыгереева: Білімді ұрпақ ел келешегі екендігін, студенттерді оқу мен білімнің теңізіне еркін жүзуге шақырды. "Көңіл - терең теңіз, білім - тереңінде жатқан інжу - маржан" дегендей жас ұрпақтың білім арқылы ғана әлемдік деңгейге құлаш ұра алатыны анық. "Қызға қырық үйден тыйым" деген халқымыздың ұлағатын студент қыздардың санасына тағы бір ескертіп өтті. Ал тарихшы-өлкетанушы Жайсаң Ақбай ағамыз болса, жас ұрпақтың өз өлкесін сүйе білетін, жігерлі, намысты, елжанды азаматтар болуына тілек білдірді. Колледж директоры, педагогика ғылымдарының докторы С.М.Бахишева өз сөзінде ата-аналар мен студенттерді, ұстаздар қауымын "Білім күні" салтанатымен құттықтады. "Мейірімді, таза болса тәрбиесі, Баланың еркін өсер тәртібі-есі" - деген Жүсіп Баласағұн бабамыздың ойымен ұштастырып, студенттерімізді тәрбиелі, білімді, саналы болуға үндеді.

06 наурыз күні 8 наурыз Халықаралық әйелдер мерекесіне арналған  «Әлемді жүрегімен әлдилеген»  атты мерекелік шара өткізілді. Колледж ерлері ұжымдағы әйел адамдарды мерекелік концерт арқылы құттықтады.Сонымен бірге кәсіподақ төрайымы А.С.Бекбулатова мерейлі жас иелерін құттықтап, колледж директоры оқытушалардың атқарған жұмыстарына алғыс айтып, облыстық басқарманың «Құрмет грамотасын» табыстады.

05 наурыз күні 8 наурыз Халықаралық әйелдер мерекесіне орай «Көктем шуағы» атты колледж директорының мерекелік қабылдауы өтті.  Директордың қабылдауына колледж оқытушыларының ішінен арнайы шақырумен 20 оқытушы қатысты. Алғы құттықтау сөзі колледж директорына берілді. Шара барысында дөңглек үстел жанында ән мен күй, биге жалғасып, бір-біріне жылы лебіздермен құттықтау айтылды.Сонымен бірге, Кәсіподақ мүшелерінің сыйлықтарымен директордың алғыс атымен марапатталды.

27 желтоқсан күні жаңа жыл мерекесіне орай колледж студенттерінің «Үздіктер кеші-2020» өтті. Үздіктер кешіне «Жаһанша шәкіртақы» иегерлері, өзін-өзі басқару ұйымының белсенділері, «Жас Отан» жастар қанаты педагогикалық бөлімшесінің мүшелері, халықаралық, республикалық және аймақтық конференциялар, жобалар мен байқаулардың жүлдегерлері, спорттық жарыстар мен ән байқауларының жеңімпаздары, оқу озаттары қатысты. Кештің мақсаты: колледж студенттерінің ішінен үздіктерді анықтап, олардың жетістіктері мен қабілеттерін ынталандырып, мадақтау. Сонымен қатар, кешке колледж әкімшілігі мен топ жетекшілер, оқытушылар қатысты. Үздіктер кешінің алғы сөзі колледж директоры С.М.Бахишеваға берілді. Басшымыз үздік студенттерді ерекше күнмен құттықтап, 2019 жылы оқудағы және қоғамдық жеткістіктері үшін «үздік көшбасшы», «үздік топ басшы», «үздік ерікті», «үздік белсенді», «үздік жүргізуші», «үздік ақын», «үздік оқырман», «білім үздігі», «үздік домбырашы», «үздік спортшы», «үздік әнші», «үздік биші» номинацияларымен марапаттады. Сонымен қатар, құрмет тек қана талант иелеріне ғана емес, сонымен қатар олардың жетекші - мұғалімдеріне, жас таланттардың білім белестерін бағындыруға себепкер болған ата-аналарынада алғыс білдірді. Кеш концерттік бағдарлама және би кешімен жалғасын тапты.