Шымыр ойлы шыншыл шығармаларымен қалың қазақтың есінде қалған атақты жазушының бірі - Бердібек Соқпақбаев десек, артық айтқандық емес. Дардай даңқы бар жазушының айтулы мерекесі биыл ЮНЕСКО көлемінде аталып өтілуде және еліміздегі “Бір ел-бір кітап” республикалық акция аясында шығармалары оқуға тандалды.

Осыған орай, қара сөздің хас шебері атанған жазушының шығармашылығымен танысуға, көркем ойларға терең бойлауға, қаламгердің өнегелі өмірін студенттерге дәріптеу мақсатында Ж.Досмұхамедов атындағы жоғары педагогикалық колледжінің кітапханасы “Болмысы бөлек Бердібек” атты әдеби-сазды шараны ұйымдастырды.

Шарамыздың шымылдырығын ҚР Білім беру ісінің құрметті қызметкері, “Білімге үлес қосқаны үшін” медалінің иегері, “Балалар әдебиеті мен мәнерлеп оқу практикумы” оқулығының авторы, ұстаздардың ұстазы Жақыпова Қырымжан Умбетрзақызы ашты.

Әрімен қарай “Бір ел-бір кітап” республикалық акциясының тарихымен кітапхана қызметкерлері таныстырды. Қаламгердің өмірі мен шығармашылығына арналған көрмеге 3апКШК-11 тобының студенті Салимова Жаннұр шолу жасады.

“Менің атым Қожа” фильміндегі Тұманбай Молдағалиевтің сөзіне жазылған, Нұрғиса Тілендиевтің “Туған ел” әнін 1аКШМ-9 тобы студенттері шырқап, 2аКШО-9 тобы студенттері болса фильм желісінен үзіндіні көрініспен сахналады. “Менің атым Қожа” шығармасын 3апКШК-11 тобы студенті, машықкер Оралбай Тұрсын “Менің атым Қожа” повесі негізінде мектеп қабырғаларындағы балаларға оқыту процесін көрсетті.

Шара барысында қаламгердің шығармаларын оқып танысқан, білген-түйген нәрселерімен 1-курс студенттері ой бөлісті. Олар: 1асКДО-9 тобы студенттері: Рахметолла Саяжан “Өлгендер қайтып келмейді”, Есенгелді Адина “Жекпе-жек”, Абылай Жайна “Колхоздан қайтқан қонақтар”, Гайсина Гульбаһар “Балалық шаққа саяхат”

1асКИНФ-9 тобы студенттері: Зағпар Заңғар “Менің атым Қожа”, Нұрбекқызы Нұрбекқызы Мархабат “Қайдасың Гауһар?”

1аКШФ-9 тобы студенттері: Нәсіпкерей Мансұр мен Табылды АхметӘлі жалпы шығармаларымен таныстырды.

Көрермен студенттерімізбен кері байланыс жасау үшін “Өзгеше ойлы қаламгер” викториналық ойыны ойнатылып, шарамызды директордың тәрбие ісі жөніндегі орынбасары Каримова Бақытханым Мақсотқызы қорытындылап, шарамызға белсене ат салысқан студенттер мен викториналық ойында оза шыққан студенттерді марапаттады.