Биылғы оқу жылындағы қазақ тілі мен әдебиеті кафедрасының жанындағы "Зерде" клубының "Тұлғатану" бағытындағы дәріс-сұхбаты өңірімізге белгілі ұстаз, ақын, журналист, аудармашы, жұбантанушы Социал Әл Жүркей Пұсырманның шығармашылығына арналған "Жұбандай ақынның рухани інісі" тақырыбында болды.

Дәріс-сұхбатта ұстаз, ақын, білікті басшылық қызмет атқарған ағамызға өмірі мен шығармашылығына байланысты сұрақтар қойылып, қызықты әңгімелерін тыңдады. Әсіресе, ағамыз Ж.Молдағалиевпен кездескенін ерекше әңгімеледі. Шарада ақынның арнау өлеңдері оқылып, жазған новеллалары бойынша көрініс қойылды.