Тойланатын әр жыл сайын, қазан айы туғанда,

Ұстаздардың мейрамы осы, толы ән мен жырларға.

Төрдегі орын Сізге, Ұстаз, төр Сіздікі, Мұғалім!

Барлық жан да соны қалар, ұстаз көңілі тұрғанда.

Ж.Досмұхамедов атындағы жоғары педагогикалық колледжінде Ұстаздар күні мерекесіне орай колледждің ардагер ұстаздары мен педагогтерін құттықтау мақсатында «Ұстаздық-мамандықтың ұлысы» атты ұстаздар күніне арналған мерекелік концерт ұйымдастырылды.

Жауқазын би тобының орындауындағы қазақ биінен басталған шараға Техникалық және кәсіптік білім беру бөлімінің басшысы Р.Т.Қуанышалиева колледждің ардагер ұстаздары мен оқытушыларын мерекемен құттықтай отырып, толағай табыстар тіледі. Колледж директоры А.Ж.Кайрлиева өз кезегінде 25 ардагер ұстазға Оқу-ағарту министрі Ғ.Бейсенбаевтың Құрмет Грамотасын, тәжірибелі оқытушы А.Ж.Темрешоваға Облыстық білім басқармасының Құрмет Грамотасын табыстады. Сондай-ақ кеш барысында Облыстық кәсіподақ комитетінің атынан мерейтой иелері марапатталды.

Колледждің музыка кафедрасы (жет. Ж.А.Нұрғалиева) ұйымдастырған мерекелік концерт ұстаз деген ардақты есімді өмірлік ту еткен жандардың көңілінен шығып, мерекелік көңіл-күй сыйлады.