07.02.2024ж. күні Ж. Досмұхамедов атындағы жоғары педагогикалық колледжінде Батыс Қазақстан облысының білім басқармасы, Білім беруді дамыту орталығының ұйымдастыруымен педагогикалық мамандықтар мен жалпы білім беретін пәндер оқытушысы мамандығының мәртебесін арттыру, конкурсқа қатысушылардың педагогикалық тәжірибесін ұсыну және дәріптеу мақсатында техникалық және кәсіптік, орта білімнен кейінгі білім беру ұйымдарының педагогтері арасындағы «Білім беру» саласы бойынша республикалық кәсіби шеберлік конкурсының облыстық кезеңі өтті.

Кәсіби шеберлік конкурсы 3 модульдан тұрады.
Модуль 1. «Мен және қоғам» ( 3 минуттық бейнеролик)
Модуль 2. «Әдістемелік жоба» (мәтін және жоба қорғау)
Модуль 3. «Мультимедиялық технологиялар» (5 минутқа дейін)
Конкурсқа педагогикалық бағыттағы колледждерден 7 оқытушы Ж.Досмұхамедов атындағы жоғары педагогикалық колледжінен Урашева Алима Жолмухановна, Зайнуллина Анаргуль Талгатовна, Орал гуманитарлық-техникалық колледжінен Сралиева Венера Амангелдиевна Орал жоғары көпсалалы “Болашақ” колледжінен Шоныраева Алия Рамазановна, Еролла Перизат Қолғанатқызы, Орал жоғары гуманитарлық-экономикалық колледжінен Хасанова Айнур Жантурина, Кузеева Асемхан Сабыржановна қатысты.
Конкурс қазылар алқасының бағалауымен өз мәресіне жетті.
Нәтижесінде Арнайы пән оқытушыларынан І орынды Ж.Досмұхамедов атындағы жоғары педагогикалық колледжінен Урашева Алима Жолмухановна, Жалпы білім беру пәндері оқытушыларынан І орынды Ж.Досмұхамедов атындағы жоғары педагогикалық колледжінен Зайнуллина Анаргуль Талгатовнаны құттықтаймыз!
Алда алар асуларыңыз көп болсын! Сіздерге сәттілік тілейміз!