25 қаңтар күні "Студенттердің ғылыми қоғамының" жоспарына сай «Ғылыми әдебиеттермен және картотекамен жұмыс» тақырыбында СҒҚ мүшелерімен отырыс өткізілді. Отырыста оқытушы В.А.Даулетова ғылыми әдебиеттерді өз жұмысыңда пайдалану жолдары, ғылыми ақпараттың негізгі дереккөздері, ақпарат көздерінің құжатнамалық түрінің мерзімді және мерзімді емес басылымдары, каталогтың түрлері, электронды кітапхана каталогі, ғылымның әр саласындағы ғылыми жарияланымдарды қамтитын еркін ғаламтор-іздеуші Google Scholar жүйесі туралы ақпарат беріп өтті.

Кейін ғылыми әдебиеттермен және каталогпен жұмысты түсіндіру мақсатында студенттерді Жұбан Молдағалиев атындағы облыстық әмбебап ғылыми кітапханасына апарды. Кітапхана қызметкерлері студенттерге «Ирбис» электронды кітапхана каталогі арқылы қажетті ақпаратты басылым авторы, атауы, кілт сөзі және т.б. бойынша іздестіруге болатынын айтып, түсінік жұмыстарын жүргізді. Студенттер компьютер арқылы нұсқау бойынша ақпараттарды іздеп көріп, каталогтың түрлерімен танысты.