07.12.2023 күні «Тәрбие үдерісінде ұлттық құндылықты қалыптастыру» атты ағылшын тілі кафедрасы онкүндігінің ашылу шарасы өтті. Онкүндіктің мақсаты: тәрбие үдерісіндегі құндылықтардың маңызы, қолдану жолдары туралы сөз қозғап, ой бөлісу.

Шара барысында Абай Құнанбайұлы, Ыбырай Алтынсарин және Әлихан Бөкейханов секілді ұлы тұлғалардың тәрбие туралы нақыл сөздері қазақ және ағылшын тілдерінде айтылды. Сонымен қатар, «Төле бидің Жетес балаға бата беруі» және «Шолпы» көріністері қойылып, қазақ халқының шешендік өнері және қыз тәрбиесіндегі шолпының орны дәріптелді. Шара Ж.Молдағалиевтың «Мен Қазақпын», Қадыр Мырза Әлінің «Ана тілі» өлеңдерімен , Даулеткерейдің «Ақжелең» күйімен айшықталды.

Шара студенттерге ұлттық құндылықтарды дәріптеуге, құндылықтарды — біздің бойымызға, бабаларымыздан қалған асыл мұра екенін ұғындыруға өз үлесін қосты.

Онкүндік аясында конференциялар,түрлі кездесулер, шеберлік сыныптары және танымдық шаралар ұйымдастырылатын болады.