09 маусым  күні Ж.Досмұхамедов атындағы жоғары педагогикалық колледжінің практика бөлімінің ұйымдастыруымен Ж.Молдағалиев атындағы саябақта  "Дарынды жас, бізге қосыл!" тақырыбында «SKILIS BAZAAR» шарасы өтті. Шараның негізгі мақсаты колледж жұмысын насихаттау, шығармашыл, белсенді  студенттерді қолдау,  педагогикалық мамандықтарды таныстырып,  жаңа оқу жылына  дарынды талапкерлерді тарту болды. 

Шараға музыкалық білім беру,  дене тәрбиесі және көркем еңбек кафедраларының оқытушылары мен студенттері белсенді қатысты. Шара барысында музыкалық білім беру кафедрасы студенттері мен оқытушыларынан құралған Ұлттық аспаптар оркестрінің өңері шараның негізгі арқауы болып  күй тартылып, әндер орындалды.

Дене тәрбиесі және спорт кафедрасының оқытушылары мен студенттерінің ұйымдастырған түрлі ұлттық спорттық ойындарына саябақ демалушылары үлкен қызығушылықпен  белсене қатысты.

Көркем еңбек кафедрасы студенттерінің  шығармашылық жұмыстарынан ұйымдастырылған көрмеге саябақ  демалушылары мен қала тұрғындары үлкен қызығушылық танытып, кафедра студенттерінің пленэрде орындаған жұмыстарын тамашалады.

Колледждің  дарынды, шығармашыл, өнерлі  студенттері, талапкерлерді  өз қатарында болуға шақырды!