24 қараша күні Ж.Досмұхамедов атындағы жоғары педагогикалық колледжін кітапханасында «Оқуға кұштар колледж» атты республикалық акцияға үн қосу мақсатында А.Байтұрсынұлының шығармашылығына арналған «А.Байтұрсынұлы шығармармалары» тақырыбында ReadX жетекшісі А.Ж.Темрешеваның ұйымдастыруымен оқырмандар конференциясы өтті. Оқырмандар конференциясының мақсаты : студент жастардың бос уақытын тиімді өткізу, олардың рухани байлығын арттыру және оқырмандық мәдениетін дамыту. Конференцияға кафедра оқытушылары, қазақ тілі мен әдебиеті және бастауыш сынып мұғалімі мамандығы студенттері және колледж кітапханашылары қатысты. 1пКШК-11 тобы студенттері Н.Захарова, Н.Ермекова, Н.Тургалиева, Н.Утесиндер А.Байтұрсынұлының «Қырық мысал» және С.Кәкішевтің «Ахаң туралы ақиқат» шығармаларын оқырмандарға жарнамалап, ақын мысалдарынан үзінділер мәнерлеп оқыды. 2пКШК-11 студенттері Ә.Муслимеден және Е.Маратов 2013 жылы «Жасөспірімдер сириясымен» жарыққа шыққан Е.Манашевтің «А.Байтұрсынұлы» жинағын таныстырды. 2аКШО-11 тобы студенттері Г.Татимова,Н.Кереева, Д.Сақтай, Н.Насибуллиналар ғалымның «Тіл құрал», «Әдебиет танытқыш», «Тіл тағылымы» еңбектерінің маңызы туралы әңгімелеп, оқырмандарды қызықтыра білді. Оқырмандарға кері байланыс кезінде тыңдалған мәліметтерге байланысты сұрақтар қойылып жауап алынды. Қорытынды бөлімде кітапхана меңгерушісі Ұ.Қабиева А.Байтұрсынұлы шығармаларына арналған көрмеге шолу жасады.Кафедра мекгерушісі Б.Каримова шараны қорытындылып, ұйымдастырушыларға алғыс білдіріп, алдағы жұмыстарына сәттілік тіледі. Оқырмандар конференциясы білім алушыларға үздіксіз білімді толықтыру жолы -кітап оқуға ерекше көңіл бөлу керектігін тағы да еске салды. Колледжде студент жастардың оқырмандық мәдениетін дамытуға бағытталған жұмыстар жүйелі жалғасын табады.