16 желтоқсан - Тәуелсіздік күніне орай 3асМК, 3асКИНФ, 2апКИНФ топтары арасында «Тәуелсіздік таңы» атты интеллектуалды сайыс өтті. Әділ-қазылар алқасында 3асМК тобының жетекшісі Бекенова С.С., 3асКИНФ тобының жетекшісі Сұлтанова Г.Б., 2апКИНФ тобының жетекшісі Молдагалиева А.А. болды. Сайыс 4 кезеңнен тұрды:

1 кезең-Таныстыру;

2 кезең- Брейн ринг;

3 кезең-Не? Қайда? Қашан?;

4 кезең-Еліміздің ертеңі болар қазақ жастары. Сайысқа әр топтан 6 студент қатысып, Тәуелсіздікке дейінгі, Тәуелсіздік таңындағы және Тәуелсіздік жылдарындағы Еліміздің тарихы, мәдениеті, ғылымы мен білімін қамтитын түрлі сұрақтарға жауап берді. Сайыс соңында жеңімпаздар марапатталды.

13 желтоқсан күні «Тәуелсіздік ұрпақтары» тақырыбында Тәуелсіздік күніне арналған мотивациялық кеш ұйымдастырды. Шараға 1аКДО, 1сКДО топ студенттері қатысты. Кеш қонағы Женисова Альфия Сырымкожиевна – БҚО Жастар ресурстық орталығының басшы орынбасары, педагогика ғылымдарының магистрі, психология пәндерінің аспиранты және Кемешев Даурен Галымжанович – Ж.Досмұхамедов атындағы жоғары педагогикалық колледждің педагогика, психология кафедрасының оқытушысы, педагогика ғылымдарының магистрі, «Ұлағат» дебат клубының жетекшісі.

Женисова Альфия Сырымкожиевнаға сұрақтар:

• Сіздер үшін Тәуелсіздік деген не? Қандай оқиғамен мақтанасыздар?
• Жастар жылында қандай қолдауларға ие болдыңыз? Жастар саясаты туралы ойыңыз.
• Егер сіз желтоқсан оқиғасы тұсында студент болып, саналы жас болсаңыз, желтоқсан оқиғасына қатысуыңыз мүмкін бе? Оқиғаға қатысу мақсатыңыз қандай болмақ?
• Жастарға қазіргі кезде не қажет деп ойлайсыз, қазіргі студенттерге ұсыныс,тілегіңіз.

Кемешев Даурен Галымжановичке сұрақтар:

• Сіз үшін Тәуелсіздік деген не? Қандай оқиғамен мақтанасыз?
• Егер әкім болсаңыз, еліңізге қандай көмек көрсетер едіңіз?
• Егер сіз желтоқсан оқиғасы тұсында студент болып, саналы жас болсаңыз, желтоқсан оқиғасына қатысуыңыз мүмкін бе? Оқиғаға қатысу мақсатыңыз қандай болмақ?
• Жастарға қазіргі кезде не қажет деп ойлайсыз, қазіргі студенттерге ұсыныс тілектеріңіз

Шара соңында рефлексия жасалды. Студенттер шарадан өзі үшін алған «+3 жағымды ойын» айтып өтті.

2019 жылдың 11.11.-12.12. күндері аралығында  «Болашаққа бағдар: Туған жерге-тағзым» тақырыбы аясында Қазақстандағы Жастар жылына орай ТжКББҰ арасында «Жастар-қоғамның жарқын болашағы» атты облыстық фестиваль ұйымдастырылды. Фестивальды өткізу кестесіне сай 19 қараша күні колледжде өткізілді. Мақсаты-ТжКББҰ студенттерінің туған жерге деген сүйіспеншілігін арттыру мен қазақ халқының және Қазақстанда тұратын өзге де ұлт өкілдерінің тілін, мәдениеті мен салт-дәстүрлерін насихаттау, дәріптеу. Білімді, креативті, жаңаша ойлай білетін жастарды, инновациялық жобаларды, үздік шығармашылық жұмыстарды анықтау. Колледж жетістіктерін қолдау, озық іс-тәжірибелерін тарату арқылы жастарды жаңа қазақстандық патріотизм рухында тәрбиелеу мақсатындағы тәрбие жұмыстарын жүйелеу. Фестивальдің І-кезеңі бойынша «2019 жыл-Жастар жылы» тақырыбында үздік бұрыштама дайындау бойынша көрме жасалды. Көрмеге колледжде жүзеге асырылып жатырған жобаларды, олардың материалдары, қолөнер жұмыстары қойылды. Инновациялық жобалар бойынша «Жаһанша жолымен», «Студенттер үйі- өз үйім», «Қайырымдылық» жұмыстары бойынша презентациялар дайындалып, баннерлер жасалды. ІІ-кезең «Туған елім-мақтанышым» тақырыбы бойынша концерт тік бағдарлама дайындалды. Концерттік бағдарламаны «Музыкалық білім беру» мамандығының студенттері мен оқытушылары дайындап, патриоттық тақырыпта жеке, дуэт, трио, топ ретінде эстрадалық ән және дәстүрлерді  жоғары деңгейде орындады және қазақ биі, достық билерін көркемдік ерекшелікпен орындады. Фестиваль нәтижесінде «2019 жыл-Жастар жылы» үздік бұрыштама номинациясының лауреаты атанды.

ҚР Тәуелсіздігі күніне арналған «Еліміздің еркіндігі-Тәуелсіздік!» атты тәрбие сағаттары

«Қазақ зиялылары ұлттық тәуелсіздік жолында: ХХ ғасырдың ширегі» халықаралық ғылыми-тәжірибелік конференция 2019 жылдың 12 желтоқсанында Батыс Қазақстан инновациялық-технологиялық университеті мен колледждің ұйымдастыруымен дәстүрлі  «Жаһанша оқулары» аясында Х.Бөкеева атындағы қазақ драма театрында оздырылды. Алыс және шетелдер мен отандық ғалымдардың қатысуымен өткізілген конференцияның бағыты мен мақсаты Жаһанша тағылымы және заманауи білім беру мен тәрбие мәселелері, қазақ зиялыларының өмірі және қоғамдық-саяси қызметі, құқықтық, әлеуметтік, зайырлы мемлекет құрудағы ұлт зиялыларының тарихи көзқарастары,рухани құндылықтар: әдебиет, ұлттық тіл, жазу, емле мәселелері аясында өтті. Өткен ғасырлар тоғысында қазақ зиялыларының қалыптасуымен бірге ұлт-азаттық күресі жаңа әлемдік деңгейге көтеріліп жаңа сапада өрбіді. Алаш қозғалысын өмірге әкелген ұлт зиялыларының озық тобы да, 1920 жылы қазақ автономиясын қалыптастыратын советтік қайраткерлер де ұлттық тәуелсіздік жолында өлшеусіз қызмет етті. Осыған орай ғасыр бұрынғы ұлт көшбасшыларының арман-мүдделерінің бүгінгідей еліміздің тәуелсіз дамуы жүзеге асқаны жағдайында олардың қазақ көшін алға сүйреу жолындағы қызметін саралау және қазіргі зерттеулерінің нәтижелерін баяндау, жаңа мұрағаттық құжаттарды ғылыми айналымға енгізу- конференцияның негізгі мақсаты болды. Конференцияға алыс және жақын шетелдер мен отандық ғалымдар мен қатар облыс әкімі Ғали Нәжімеденұлы Есқалиев қатысып, құттықтау сөз сөйлейді. Бағдарлама бойынша атап айтқанда, тарих ғылымдарының докторы, академик Т.З.Рысбеков «Ораз Исаев-мемлекет және қоғам қайраткері», Әл-Фараби атындағы Қазақ ұлттық университетінің профессоры, тарих ғылымдарының докторы ҚР Ұлттық Ғылым Академиясының кореспондент мүшесі Берекет Бақытжанұлы Кәрібаев «М.Тынышпаев және ортағасырлық Қазақстан тарихының мәселелері» (Алматы қ), Әл-Фараби атындағы Қазақ ұлттық университетінің профессоры, заң ғылымдарының докторы Шолпан Арапбайқызы Забих «Государственные и правовые взгляды выдающегося политического деятеля начала ХХ века Жаханши Досмухамедова», БҚО, Теректі ауданының прокуроры, тарих ғылымдарының кандидаты Равиль Сидағатұлы Мажитов «Ж.Досмұхамедов және «Алаш» ұлттық автономиясының концепциясы», Халықаралық  «қазақ тілі» ұйымы РФ филиалының және Орынбор «Достық үйі» қоғамдық бірлестігінің жетекшісі Сауле Совхозқызы Таикешева «Роль казахских просветителей первой четверти ХХ века в Оренбургским крае» (Орынбор қ, Ресей), атты баяндамаларымен қазақ зиялыларының  қазақ көшін алға сүйреу жолындағы қызметін саралау және қазіргі зерттеу нәтижелерін баяндау, жаңа мұрғаттық құжаттарды ғылыми айналымға енгізу секілді бірқатар құндылықтармен бөлісті. Сонымен қатар аталмыш конференция аясында колледждегі оқуымен қоғамдық жұмыстарда белсенділік танытып, колледждің мақтаныштарына айналған 7 үздік студенттерге Ж.Досмұхамедов атындағы шәкіртақы табыс етілді. Халықаралық ғылыми-тәжірибелік конференцияның секциялық жұмысы колледждің аудиторияларында жалғасты. Студенттердің барлығы секциялық жұмыстарға қатысып, белсенділік танытты.