Наурыз мерекесі - халқымыздың сан ғасырдан бері келе жатқан ең құнды мерекесі. Бұл күні жер көгеріп, гүлдер қауыз жарып, күллі тіршілік атаулы жанданып, жасарады.

Наурыз ұғымымен ұлттық құндылығымыз бен рухани байлығымыз үндесіп жатқандай. Ал ұлттық құндылықтарды ұлықтап, оны жас ұрпаққа өнеге ретінде көрсету өте маңызды.
Осыған орай, бүгін Шет тілі кафедрасында 1,2 курс топ студенттерінің қатысуымен "Наурыз - жаңарудың, жаңғырудың мерекесі" атты әдеби сазды шара өтті. Шарада тәрбиелік мәні бар көріністер қойылып, ақ жаулықты әжелер шашу шашты. "Көктем вальсін" мың бұрыла билеген арулар мен "Мереке" әнін сәніне келтіріп орындаған әнші жастардың өнерлері ерекше болды. Сонымен қатар шара барысын "Ағаш көркі жапырақ" ойыны ойнатылып, мерекенің көркін қыздыра түсті.
Шара соңы ақ ниетті батамен және кафедра меңгерушісі Мұхтарова Шолпан Еркебаевна мен директордың тәрбие ісі жөніндегі орынбасары Бақытханым Максотовнаның құттықтау сөзімен аяқталды.